Kallar Syedan; Dengue ward restored at thq hospital after interventions of MPA Raja Sagheer Ahmed
تحصیل ہیڈ کواٹر ہسپتال کلر سیداں میں ڈینگی وارڈ کو فوری بحال کر دیا گیا
کلر سیداں (اکرام الحق قریشی)پی ٹی آئی کے صوبائی پارلیمانی سیکرٹری راجہ صغیر احمد نے کہا ہے کہ لوگوں کی مشکلات کے پیش نظر تحصیل ہیڈ کواٹر ہسپتال کلر سیداں میں ڈینگی وارڈ کو فوری بحال کر دیا گیا ہے انہوں نے سابق ٹاؤن ناظم حافظ سہیل اشرف اور دیگر کے ہمراہ ہسپتال میں زیر علاج ڈینگی کے مریضوں کی عیادت کی اور کہا کہ حکومت پنجاب ان کے علاج معالجہ کے لئے ٹی ایچ کیو میں ہر ممکن سہولت فراہم کرے گی،راجہ صغیر احمد نے ٹی ایچ کیو انتظامیہ کو خصوصی طور پر ہدایت جاری کی کہ ڈینگی کے مریضوں کو Elisa Testکے لئے راولپنڈی بھیجنے کی بجائے ان کے نمونے لے کر پنڈی بھیجے جائیں،تاکہ مریضوں کودقت نہ ہو، ڈینگی کے مریضوں کو ہر ممکن سہولت فراہم کی جائے اس ضمن میں کسی قسم کی کوتاہی برداشت نہیں کی جائے گی، انھوں نے کہا کہ ڈینگی کو شکست دینے کے ت لئے حکومت او ر عوام کا تعاون بہت ضروری ہے یاد رہے کہ گزشتہ روز ہسپتال میں زیر علاج خواتین و حضرات جن کی تعداد نو تھی جبراً نکال کر راولپنڈی بھیج دیے گئے تھے جن کا وہاں کوئی علاج معالجہ نہ کیا گیا بعد ازاں عوامی احتجاج اور پی ٹی آئی کے رہنماؤں اور کارکنوں کے اصرار پر ٹی ایچ کیو کلر سیداں میں ڈینگی وارڈ کو فوری بحال کر دیا گیا اور راولپنڈی سے ناکام لوٹنے والے ڈینگی مریضوں کو دوبارہ داخل کر لیا گیا۔ادھر ڈینگی کے دو مزید کیس سامنے آ گئے پی ٹی آئی کے مقامی رہنما راجہ حمید بھی ڈینگی کا شکار ہو گئے ادھر ایک مقامی مدرس کی دختر بھی ڈینگی میں مبتلا نکلی اسے راولپنڈی کے ایک نجی ہسپتال میں داخل کر ا دیا گیا۔
Kallar Syedan; The Dengue ward has been restored at thq hospital in Kallar Syedan after interventions of MPA Raja Sagheer Ahmed, The ward was closed and after public outrage the ward has been restored.
ریٹائرڈ پٹواری لالہ محمود انتقال کر گئے نماز جنازہ ڈھوک جبہ موضع دھمالی میں ہوئی
Retired revenue office Lala Mahmood passed away in village Dhok Jabba, Dhamali
کلر سیداں (اکرام الحق قریشی)ریٹائرڈ پٹواری لالہ محمود انتقال کر گئے نماز جنازہ ڈھوک جبہ موضع دھمالی میں ہوئی جس میں ریٹائرڈ تحصیلدار چوہدری محمد حسین،گرداورز چوہدری جمیل اختر،حاجی محمد عنصر،چوہدری عبدالقدوس کے علاوہ راجہ پرویز اختر قادری،نمبردار اسد عزیز،راجہ عاشق حسین،سردارمحمد آصف،نمبردار عصمت اللہ اور دیگر نے شرکت کی۔
چوہدری محمد عارف کی وفات پر دلی تعزیت
Condolences on death of Ch M Arif
کلر سیداں (اکرام الحق قریشی)پی ٹی آئی کے رہنما چوہدری محمد عظیم،نمبردار فیض،انجمن پٹواریان ضلع راولپنڈی کے صدر محمد شبیر بھٹی،تحصیل گوجرخان کے صدر محمد جمیل وارثی، دولتالہ کے چوہدری غضنفر حسین،چوہدری محمد رمضان زرگر،اسلام آباد کے معروف کاروباری ملک محمد فیاض نے مقامی صراف چوہدری توقیر اسلم سے ملاقات کی اور ان کے چچا چوہدری محمد عارف کی وفات پر دلی تعزیت کا اظہار کرتے ہوئے فاتحہ خوانی کی۔
