کلر سیداں (اکرام الحق قریشی) سابقہ رنجش پر ایک شخص نے گولیاں مار کر بہن بھائی کو شدید زخمی کر دیا جنہیں ٹی ایچ کیو ہسپتال کلر سیداں میں ابتدائی طبی امداد فراہم کرنے کے بعد راولپنڈی منتقل کر دیا گیا ہے۔ یہ واقع کلر سیداں کے نواحی گاؤں سموٹ میں پیش آیا جہاں 70 سالہ مضروب لہراسب خان نے اپنا بیان قلم بند کراتے ہوئے بتایا کہ میں پہلے ڈرائیوری کرتا تھا اور اب گھر پر ہی ہوتا ہوں۔وقوعہ کے روز،میں سموٹ بازار سے دودھ خرید کر واپس اپنے گھر موٹر سائیکل پر جا رہا تھا کہ بوقت 9 بجے صبح،اپنی ہمشیرہ مسماۃ (ر)کے گھر واقع ڈھوک کیپٹن (ر) عبدالخالق والی کے پاس پہنچا تو اسی اثناء میں،مسمی محمد طارق سکنہ تھتھی بیول مسلح کاربین 12 بور نے میرا راستہ روک لیا اور اس نے قتل کرنے کی نیت سے سیدھا فائر مجھ پر کیا جو مجھے دائیں ٹانگ اور دائیں ہاتھ کی چھوٹی انگلی پر لگا اور میں مضروب ہو کر گر گیا۔فائر کی آواز سن کر میری ہمشیرہ مسماۃ (ر)گھر سے باہر آئی تو ملزم طارق نے اس پر فائر کر دیا جس سے اس کو دائیں ٹانگ اور دائیں بازوں اور چھاتی پر چھرے لگے جس سے وہ بھی مضروب ہو گئی۔تھانہ کلر سیداں پولیس کے سب انسپکٹر محمد فیروز نے زیر دفعہ 324 ت پ مقدمہ درج کر کے کارروائی شروع کر دی۔ملزم وقوعہ سے فرار ہو جانے میں کامیاب ہو گیا۔

Kallar Syedan; Lehrasab Khan, 70, along with his sister was shot and injured in Dhok captain (r) Abdul Khaliq Wali by Mohammad Tariq of village Thathi. Kallar Syedan police are investigating the incident.

---

وزیر اعظم عمران خان کے اعلان کے مطابق جمعہ کے روز کلر سیداں میں تقریب کے علاوہ سرصوبہ شاہ,شاہ باغ,بھکڑال,کنوہااور دیگر علاقوں میں کشمیریوں سے اظہار یکجہتی کی ریلیاں نکالی گئیں

Public rallies taken out in Tehsil Kallar Syedan in solidarity with Kashmiri

کلرسیداں (اکرام الحق قریشی)وزیر اعظم عمران خان کے اعلان کے مطابق جمعہ کے روز کلر سیداں میں تقریب کے علاوہ سرصوبہ شاہ,شاہ باغ,بھکڑال,کنوہااور دیگر علاقوں میں کشمیریوں سے اظہار یکجہتی کی ریلیاں نکالی گئیں،یو بی ایل کلرسیداں نے بھی بھرپور احتجاج کیا تفصیلات کی مطابق مرکزی تقریب پولیس اسٹیشن کلرسیداں میں منعقد ہوئی جس میں اے سی امبر گیلانی مہمان خصوصی تھیں اس موقع پر پولیس دستے نے ایس ایچ او انسپکٹر محمد بشارت عباسی کی قیادت میں قومی پرچم کوسلامی دی اس موقع پر پاکستان اور آزاد کشمیر کے ترانے بجائے گے اور بزرگ قانون دان راجہ حسن اختر نے کشمیر کے حق اور بھارت کے خلاف نعرے لگائے تقریب میں پی ٹی آئی کے رہنماؤں راجہ محمد ثقلین,عثمان شاہد,راجہ ارسلان,عاصم مختار مغل,راجہ آفتاب حسین,قمر ایاز,محسن نوید سیٹھی,اسرا راحمد ایڈووکیٹ،محمد آصف کیانی کے علاوہ تمام سرکاری محکموں کے انچارج صاحبان اور اہلکاروں نے شرکت کی اس موقع پر طلبہ نے ملی نغمے بھی پیش کیئے اے سی امبر گیلانی نے مختصر تقریب سے خطاب کرتے ہوئے کہا کہ پاکستان مقبوضہ کشمیر کی بھارتی تسلط سے آزادی کے لیئے اپنا کردار ادا کرتا رہے گا اس موقع پر بیرسٹر راجہ احمد صغیر اور نبیلہ انعام نے بھی خطاب کیا ادھر یوتھ لیگ اور گورنمنٹ سیکنڈری سکول سرصوبہ شاہ کے زیر اہتمام ریلی نکالی گئی جبکہ شاہ باغ کے دوکانداروں نے بھی ماسٹر عبدالمجید,سید مداح حسین اور دیگر کی قیادت میں کلر روڈ پر ریلی نکالی گورنمنٹ مدارس بکھڑال،کنوہا اوردیگر میں بھی ریلیاں نکالی گئیں،یو بی ایل کلرسیداں نے بھی نصف گھنٹے تک کام ترک کر کے سڑک کنارے کھڑے ہو کر کشمیریوں سے اظہار یکجہتی کیا عملے کے تمام ارکان نے پلے کارڈ اٹھا رکھے تھے جن پر کشمیریوں کے حق میں نعرے درج تھے۔

---

مقبوضہ کشمیر کے مسلمانوں کو احتجاجی ریلیوں کے سہارے بھارتی مظالم سے نجات نہیں دلائی جا سکتی,محمد زبیر کیانی

Occupied Kashmir Muslims cannot be rescued from Indian atrocities just with protest rallies, M Zubair Kiyani

کلرسیداں (اکرام الحق قریشی)مسلم لیگ ن کے رہنما سابق چیئرمین یو سی بشندوٹ محمد زبیر کیانی نے کہا ہے کہ مقبوضہ کشمیر کے مسلمانوں کو احتجاجی ریلیوں کے سہارے بھارتی مظالم سے نجات نہیں دلائی جا سکتی انہوں نے ایک بیان میں کہا کہ قیام پاکستان کے بعد آج پہلا موقع ہے کہ پاکستان سفارتی محاذ پر بری طرح سے ناکام ہے اور تنہا کھڑا ہے ایران کے سوا دیگر مسلمان ممالک تو نریندر مودی کو اپنے بڑے بڑے سول اعزازات سے نواز رہے ہیں ان کی یہ نوازشیں ہماری سفارتی ناکامیوں کا کھلا ثبوت ہے انہوں نے کہا کہ ماضی میں بھارت کو کبھی بھی کشمیر کا خصوصی تشخص بدلنے کی جرات نہ ہوئی وزیر اعظم عمران خان کے دورہ امریکہ کے فوری بعد بھارت نے مقبوضہ کشمیر پر قبضہ جما لیا اور ہم عالم تنہائی میں احتجاج ریلیوں پر مجبور ہو گئے ہیں وزیر اعظم کی اپیل کے باوجود جمعہ کے روز کہیں بھی ٹریفک نہ رکی اور تمام ریلیوں میں صرف پی ٹی آئی کے لوگ ہی شریک تھے اس سے دنیائے عالم میں کوئی اچھا پیغام نہیں گیا عوام یہ جاننا چاہتے ہیں کہ عمران خان کشمیر کے بارے میں امریکی صدر سے ہونے والی گفتگو قوم کو بتا دیں ورنہ ہمارے احتجاجی بیانات اور ریلیوں سے مقبوضہ کشمیر کی آزادی ممکن نہیں پاکستان گزشتہ پچیس ایام میں مقبوضہ کشمیر میں جاری کرفیو میں نرمی کو یقینی نہ بنا سکا ہم جن ممالک کو اپنا دوست سمجھتے رہے وہ نریندر مودی کا والہانہ استقبال کر کے کشمیری مسلمانوں کے زخموں پر نمک چھڑک رہے ہیں۔

---

معروف ٹرانسپورٹر فدا حسین بٹ کے بھائی عاشق بٹ انتقال کر گئے

Ashiq Butt passed away in Sagri

کلرسیداں (اکرام الحق قریشی) معروف ٹرانسپورٹر فدا حسین بٹ کے بھائی عاشق بٹ انتقال کر گئے نما زجنازہ ساگری میں ادا کی گئی جس میں راجہ عابد حسین ایڈووکیٹ،راجہ محمد امین،شیخ ساجد الرحمٰن،راجہ شہزاد یونس،محمد زبیر کیانی،راجہ جاوید اشرف،ملک اشتیاق احمد،راجہ کامران عابد اور دیگر نے شرکت کی۔

---

چوآخالصہ کے افتخار جندران کے والد منظور جندران انتقا ل کر گئے

Manzoor Jandran passed away in Choa Khalsa

کلرسیداں (اکرام الحق قریشی) چوآخالصہ کے افتخار جندران کے والد منظور جندران انتقا ل کر گئے نماز جنازہ میں سید راحت علی شاہ،شیخ قلب عباس،اصغر عباسی،طاہر محمود بھٹی،عامر محمود بھٹی ایڈووکیٹ،شیخ شکیل احمد،شیخ صفدر علی،عنصر عباسی،شیخ غلام شبیر اور دیگر نے شرکت کی۔

---

موہڑہ ہیراں چوآخالصہ کے ماسٹر عبدالشکور اپنی اہلیہ کے ہمراہ حج بیت اللہ کی سعادت حاصل کر کے وطن لوٹ آئے

Wife of Master Abdul Shakoor of Morra Heeran returns after performing Hajj

کلرسیداں (اکرام الحق قریشی)موہڑہ ہیراں چوآخالصہ کے ماسٹر عبدالشکور اپنی اہلیہ کے ہمراہ حج بیت اللہ کی سعادت حاصل کر کے وطن لوٹ آئے ان کے عزیز و اقارب نے نیو اسلام آباد ایئرپورٹ پر انہیں خوش آمدید کہا۔