مٹور:نمائندہ پوٹھوار ڈاٹ کوم کبیر احمد جنجوعہ سے۔۔۔۔ سالگراں میں حمید بھٹی کی مارکیٹ کا افتتاح۔سابق ممبر صوبائی اسمبلی پنجاب کرنل محمد شبیر اعوان سمیت کثیر تعدادمیں سیاسی وسماجی شخصیات کی شرکت۔ تفصیل کے مطابق گذشتہ روز تحصیل کہوٹہ کی یونین کونسل لہڑی کے گاؤں سالگراں میں سیاسی وسماجی شخصیت حمید بھٹی کی بنائی گئی مارکیٹ کا افتتاح ہوا جس میں خصوصی شر کت سابق ممبر صوبائی اسمبلی پنجاب کرنل محمد شبیر اعوان،سابق وائس چیئرمین یوسی لہڑی ڈاکٹر مختار، ملک احمد شاہ زیب، مصطفی منشی، تنویر احمد سمیت کثیر تعداد میں سیاسی سماجی شخصیات نے شر کت کی۔
Kahuta; Inauguration ceremony of market in village Salgran, UC Leri was held with guest of honour ex MPA col M Shabbir Awan. The market is owned by Hamid Bhatti.
محرم الحرام کے موقع پر سیکورٹی صفائی اور دیگر انتظامات یقینی بنائے جائیں گے
Security and other arrangements will be ensured on Muharram
مٹور:نمائندہ پوٹھوار ڈاٹ کوم کبیر احمد جنجوعہ سے۔۔۔۔ راجہ صغیر احمد صوبائی پارلیمانی سیکرٹری جیل خانہ جات صوبہ پنجاب نے کہا ہے کہ محرم الحرام کے دوران امن و امان برقرار رکھنے کے لئے ضلعی انتظامیہ اور پولیس الرٹ ہے انتظامیہ و پولیس سول اداروں کی مدد کیلئے چوکس ہے باہم کوآرڈینس سے عوام کی جان مال کا تحفظ ہر صورت یقینی بنایا جائے گا محرم الحرام کے موقع پر سیکورٹی صفائی اور دیگر انتظامات یقینی بنائے جائیں گے انہوں نے کہا کہ محرم الحرام کے دوران امن و امان کا قیام پنجاب حکومت کی اولین ترجیح ہے۔ضلعی امن کمیٹی کے ممبران کے تعاون سے گزشتہ سالوں کی طرح اس سال بھی بہترین انتظامات کیے جائیں گے۔انہوں نے کہا کہ نواسہ رسول حضرت امام حسینؑ کا پیغام انسانیت کا درس دیتا ہے۔انہوں نے ہمیشہ امن،سلامتی اور بھائی چارے کا پیغام دیا ہے اس لیے ہم سب کا بھی فرض بنتا ہے کہ ہم اپنے باہمی اختلافات کو بالائے طاق رکھتے ہوئے ان کے اس پیغام پر عمل کریں تاکہ باہمی نفرتوں اور قدورتوں کا خاتمہ ہو سکے۔ راجہ صغیر احمدنے مزید کہا کہ گزشتہ سالوں کی طرح اس سال بھی تمام مکتبہ فکر کے علماء کرام ضلعی امن کمیٹی کے ممبران تاجروں،میڈیا اور دیگر شعبہ زندگی سے تعلق رکھنے والے شہریوں کی مشاورت سے محرم الحرام کے دوران بہترین انتظامات کیے جائیں گے اس سلسلے میں تمام اسسٹنٹ کمشنر اور دیگر ضلعی افسران کو ہدایت جاری کر دی گئیں ہیں۔
محرم الحرام میں امن و امان کے حوالے سے اجلاس
Police call meeting on arrival of Moharram
مٹور:نمائندہ پوٹھوار ڈاٹ کوم کبیر احمد جنجوعہ سے۔۔۔۔ ایس پی صدر ڈویژن رائے مظہر اقبال کی زیرصدارت کھلی کچہری وتحصیل کہوٹہ اورتحصیل کلرسیداں امن کمیٹی کا مشترکہ اجلاس۔ محرم الحرام میں امن و امان کے حوالے سے اجلاس۔اجلاس میں ایس ڈی پی او کہوٹہ سرکل سعود خان، ایس ایچ اوکہوٹہ سید ندیم الحسن شاہ، ایس ایچ او کلر سیداں انسپکٹر محمد بشارت عباسی، جامع مسجد مکی کے خطیب تحصیل کہوٹہ ممتاز عالم دین ممبر امن کمیٹی ضلع راولپنڈی قاری عثمان عثمانی، ممبر امن کمیٹی سید نجم الحسن نقوی آف ڈیرہ مشتاق شاہ،ممبر امن کمیٹی راجہ مجیب اللہ ستی المعروف ڈاکٹر مناء بڑی تعداد میں عوام الناس،سیاسی و سماجی شخصیات،دیگرممبران امن کمیٹی اور مقامی صحافی و میڈیا نمائندگان نے شرکت کی۔ایس پی صدر ڈویڑن رائے مظہر اقبال نے سائلین کے مسائل پوری توجہ کے ساتھ سنے اور ان کے حل کو یقینی بنا نے کے لئے موقع پر متعلقہ افسران کو احکامات جاری کیے اس کے بعد انہوں ممبران امن کمیٹی،منتظمین مجالس و جلوس اور متولیان امام بارگاہ سے بسلسلہ محرم الحرام میٹنگ کرتے ہوئے کہا کہ دین اسلام امن وامان، بھائی چارے،اخوت،بردباری کا درس دیتا ہے۔ہمیں کسی بھی حال میں رواداری کا دامن نہیں چھوڑنا چاہیے۔ محرم الحرام کے سلسلے میں جاری کردہ ایس او پیز پر مکمل عمل درآمد کو یقینی بنایا جائے۔ محرم الحرام کے موقع پر سیکیورٹی انتظامات کو فول پروف بنانے میں اپنا کردار ادا کریں۔ لاوڈ اسپیکر ایکٹ،وال چاکنگ اور زبان بندی والے علمائکرام و ذاکرین کی تقریر پر مکمل پابندی ہے۔ خلاف ورزی کرنے والے علما اکرام، ذاکرین اور انتظامیہ کے خلاف سخت سے سخت قانونی کاروائی عمل میں لائی جائے گی۔مجالس و جلوس کے دوران دوسرے مسالک کا احترام کیا جائے۔ منتظمین مجالس و جلوسوں کے آغاز سے سی سی ٹی و کیمرہ جات نصب کریں اور اختتام تک وڈیو گرافی یقینی بنائیں۔تمام راستوں کی چیکنگ کر کے کلیئر نس سرٹیفکیٹ حاصل کیا جائے گا۔جہا ں ضروری ہو سرچ اینڈ سویپ آپریشن کیا جائے گا تاکہ کسی بھی ناخوشگوار واقعہ سے بچا جا سکے۔تمام شرکا نے محرم الحرام کی سکیورٹی کے حوالے سے باری باری اپنے خیالات کا اظہار کیا۔ اجلاس کے اختتام پر شرکا نے مکمل تعاون کی یقین دہانی کارروائی کہ مجالس اور جلوس کے مقررہ روٹس اور اوقات میں آغاز و اختتام کریں گے۔
کشمیری بھائیوں پر ہونے والے مظالم کی پر وزور الفاظ میں مذمت کرتے ہیں
Brutality on innocent Kashmiri civilians by Indian forces deplored
مٹور:نمائندہ پوٹھوار ڈاٹ کوم کبیر احمد جنجوعہ سے۔۔۔۔ راجہ عمران وحید اور اشرف کیانی نے اپنے ایک مشتر کہ بیان میں کہا کہ ہمیں اپنی لڑائی خود لڑنی ہو گئی مسلہ کشمیر صرف عوامی انقلاب سے ہی حل ہو گا۔عالم دنیا کے تمام مسلمان کشمیر کے حوالے سے عرب اسلامی ممالک اور ٹرمپ کا کر دار دیکھ چکے ہیں۔ مودی سر کار نے مقبوضہ کشمیرمیں ہماری مسلمان ماؤں بہنوں کی بے عرمتی کر کے صرف آزاد کشمیر اور پاکستان کے مسلمانوں کی ہی نہیں بلکہ تمام عالم اسلام کے مسلمانوں کی غیرت کو للکار اہے ان خیالا ت کا اظہار ممتاز سماجی اور مذہبی شخصیت راجہ عمران وحید آف لونہ سیداں اور بزرگ سیاسی وسماجی شخصیت اشر ف کیانی نے اپنے ایک مشتر کہ بیان میں کیا انہوں نے کہا کہ انہوں نے کہا کہ یہ جنگ مقبوضہ کشمیر کی نہیں بلکہ خطے کے امن و استحکام کی جنگ ہے مسلہ کشمیر صرف عوامی انقلاب سے حل ہو گا انہوں نے کہا کہ ملک کا بچہ بچہ اپنی مسلح پاک ا فواج کے شانہ بشانہ ہیں مودی سر کار کے ناپاک عزائم کا ڈٹ کر مقابلہ کر یں گے انہوں نے کہا کہ پاکستانی عوام کے دل اپنے کشمیر ی بھائیوں کے ساتھ دھڑکتے ہیں ہم دو جسم ایک جان کی ماند ہیں انہوں نے کہا کہ ہم کشمیری بھائیوں پر ہونے والے مظالم کی پر وزور الفاظ میں مذمت کرتے ہیں بھارت طاقت کے بل بوتے پر تحریک آزادی کشمیر کو نہ تو کبھی دبا سکا ہے نہ آئندہ دبا سکے گا۔
