Pakistan festival to take place on 30th Sept in Sarcelles, France

پاکستان فیسٹیول تیس ستمبر کو سارسل شہر میں ہوگا۔ سفیر پاکستان معین الحق اور ممبر پارلیمنٹ فرانسوا پوپینی مہمان خصوصی اور گلوکار ابرارالحق خصوصی شرکت کریں گے۔ 
گزشتہ سال کے کامیاب پاکستان فیسٹیول کے بعد اس سال بھی تیس ستمبر کو دوسرا پاکستان فیسٹیول بھی سارسل میں ہوگا جس میں ہزاروں لوگوں کی شرکت متوقع ہے ۔سفیر پاکستان فرانس معین الحق اور فرانسیسی ممبر پارلیمنٹ فرانسوا پوپینی مہمان خصوصی ہوں گے۔ پاکستان فیسٹیول میں خوبصورت ملبوسات مختلف ممالک کے پکوانوں کے علاوہ پاکستانیوں کے من پسند کھانوں اور خوبصورت جیولری ، مہندی اور چوڑیوں کے اسٹال بھی لگائے جائیں گے۔ پاکستان فیسٹیول میں فیشن شو بھی ہوگا جس میں پاکستانی فیشن ڈیزائنرز اپنے ملبوسات کی نمائش کریں گے۔ اس کے علاوہ کلچرل شوز ، روایتی ڈانس بھی پیش کیا جائے گا۔ پاکستان کے مایہ ناز گلوکار ابرارالحق اپنی بہترین پرفارمنس سے فیسٹیول کو چار چاند لگائیں گے
پاکستانی کمیونٹی کی طرف سے فیسٹیول کی تیاریاں زور و شور سے جاری ہے۔ سفارتخانہ پاکستان اور سارسل شہر کی کونسل فیسٹیول کے انعقاد کے لئے خصوصی تعاون کررہی ہے ۔فیسٹیول صبح گیارہ بجے سے شام آٹھ بجے تک جاری رہے گا۔