Gujar Khan; Raja Parvez Ashraf was guest of honour at public function held by Malik Sohail Awan in ward 18, Where he said PPP are asking vote on merit.
پاکستان پیپلزپارٹی کارکردگی کی بنیاد پر عوام سے ووٹ مانگ رہی ہے ہم نے تحصیل گوجرخان میں بلاتفریق لوگوں کی خدمت کی ہے اور وہ خدمت نظر بھی آرہی ہے پانچ سال مخالفین نے عوام کو صرف سبز باغ دکھائے اورکوئی منصوبہ نہ دیا ہم اپنی قیادت کے ساتھ کھڑے رہے اور وفاداری نبھائی ان خیالات کااظہار راجہ پرویز اشرف نے وارڈ نمبر18کے ملک سہیل اعوان کی طرف سے بلائی گئی میٹنگ سے خطاب کرتے ہوئے کیا راجہ پرویزاشرف نے کہا کہ جھنڈا میں گیس اور بجلی کی مد میں جتنے بھی کام ہوئے ہمارے دور اقتدار میں ہوئے ہم نے عوام کے مسائل ان کی دہلیز پر حل کر کے حق نمائندگی ادا کیااور آئندہ بھی خدمت کا سلسلہ جاری رہے گااس کارنر میٹنگ سے حلقہ پی پی آٹھ کے امیدوار خرم پرویز راجہ نے بھی خطاب کیا اور کہا کہ ہم منتخب ہو کر اہل علاقہ کیلئے مزید کام کریں گے میٹنگ سے طاہر راحیل اعوان ایڈووکیٹ، راجہ عمران کامی، ملک سہیل اعوان، ٹھیکیدار اخلاق، سائیں سلیمان ملک خاور، مرزا منور حسین آصف ودیگر نے بھی خطاب کیا
مسلم لیگ ن میں بڑے بڑے دھڑوں کی شمولیت مسلم لیگ ن کی کامیابی کا باعث ہے
مسلم لیگ ن میں بڑے بڑے دھڑوں کی شمولیت مسلم لیگ ن کی کامیابی کا باعث ہے پچیس تاریخ کو ہر طرف شیر ہی ہوگا عوام کے دلوں میں میاں محمد نوازشریف آج بھی راج کرتے ہیں اہل گوجرخان نے مسلم لیگ ن کے حق میں فیصلہ دے دیا ان خیالات کااظہار مسلم لیگ کے امیدوار حلقہ پی پی آٹھ چوہدری محمدریاض امیدوار پی پی 9راجہ حمید ایڈووکیٹ نے راجہ نویدسجاد اور دیگر شخصیات کی مسلم لیگ ن کے امیدواروں کی حمایت کے اعلان کے موقع پر منعقدہ تقریب سے خطاب کرتے ہوئے کیا اس موقع پر راجہ نوید سجاد ایڈووکیٹ ، یحییٰ فیض، راجہ سہیل عباس کیانی، راجہ امیر کاظم نے بھی خطاب کیا چوہدری محمدریاض نے کہا کہ میاں برادران نے اپنے دور اقتدار میں پاکستان کو تعمیر وترقی سے ہمکنار کیا عوامی فلاح و بہبود کے منصوبے دیئے عوام مسلم لیگی امیدواروں کو ہی بھاری اکثریت سے کامیاب کریں گے گوجرخان مسلم لیگ کا گڑھ ہے اورآمدہ الیکشن میں تینوں نشستوں سے کلین سویپ کریں گے راجہ حمید ایڈووکیٹ نے کہا کہ ہمارے کارواں کا حصہ بننے والوں کے فیصلے کا دل کی اتھاہ گہرائیوں سے خیر مقدم کرتے ہیں جنہوں نے مسلم لیگ ن کی کامیابی کیلئے بڑافیصلہ کر کے ہمارا ساتھ دیا
