بلدیہ کلر سیداں مسلم لیگ ن کے امیدواروں نےشاہد خاقان عباسی اور راجہ محمد علی کی حمایت کا اعلان

Kallar Syedan; The Kallar Syedan councillors elected members of PML-N have all announced to support Shahid Khaqan Abbassi and Raja Mohammad Ali.

بلدیہ کلر سیداں کے 26کونسلروں نے آئندہ انتخابات میں مسلم لیگ ن کے امیدواروں شاہد خاقان عباسی اور راجہ محمد علی کی غیر مشروط حمایت کا اعلان کیا ہے ۔اس سلسلے میں ایک نمائندہ اجتماع اتوار کی شام کلر سیداں میں شیخ تیمور کی رہائش گاہ پر منعقد ہوا جس میں بلدیہ کلر سیداں کے 26کونسلروں کے علاوہ حاجی ریاست حسین ،بابو نور محمد، عبدالجبار صدیقی، حاجی طارق تاج، مسعود بھٹی اور دیگر معززین نے شرکت کی ۔پی پی 7سے مسلم لیگ ن کے امیدوار راجہ محمد علی نے اس موقع پر خطاب کرتے ہوئے کہا کہ وہ اپنی طرف سے اور شاہد عباسی کی جانب سے بلدیہ کلر سیداں کے تمام ارکان کے دل سے مشکور ہیں جنہوں نے ہمارے رابطے کرنے سے قبل ہی ہمارے حق میں فیصلہ دیا۔بلدیہ کلر سیداں کے ارکان نے ایک تاریخ رقم کی ہے جس کو کبھی فراموش نہیں کیا جا سکتا انہوں نے کہا کہ نواز شریف کل کی طرح آج بھی لوگوں کے دلوں میں بستے ہیں اور انہیں عوام کے دلوں سے ہر گز نکالا نہیں جا سکتا۔ہم اس مشکل اور کڑے وقت میں اپنی قیادت سے وفاداری کو ہر صورت نبھائیں گے ۔انہوں نے کہا کہ میری سیاست کسی پرمٹ ،مفاد یا تجارت کے لیے نہیں خالصتاً مخلوق خدا کی خدمت کرنا ہے ۔عزت اور خدمت ہی میرا سرمایہ اور سیاست ہے میں کلر سیداں کے لوگوں اور ارکان بلدیہ کو کبھی مایوس نہیں کروں گا،میرا کوئی معاون نہیں ہر ووٹر براہ راست مجھ سے رابطہ کر سکتا ہے سب کو ساتھ لے کر چلوں گا اور کسی کو بھی شکایت کا موقع نہ دوں گا۔اس موقع پر شیخ حسن ریاض ،حاجی اخلاق حسین، ملک زبیر احمد، صوبیدار ظفر اقبال بیگ، لطیف بھٹی، راجہ کامران عابد، عابد حسین زاہدی ،شیخ خورشید احمد، شاہد جمیل عباسی، حاجی ریاست حسین اور دیگر نے بھی خطاب کیا اور مختلف تجاویز دیں ۔

ہر شخص قمر الاسلام بن چکا ہے مخالفین کتنے لوگوں کو ہتھکڑیاں پہنائیں گے

این اے59پی پی 10کلر سیداں سے مسلم لیگ ن کے نامزد امیدوار انجنئیر قمر الاسلام راجہ کے 12سالہ فرزند سالار اسلام نے کہا ہے کہ قمر الاسلام نے ن لیگ کا ٹکٹ قبول کیا جو جرم بن گیا اور انہیں اسی جرم کی پاداش میں گرفتار کر لیا گیا۔ہم سب مل کر 25جولائی کو ووٹ کی چابی کے ذریعے قمر الاسلام کے ہاتھوں میں لگی ہتھکڑی کھولیں گے ،اب وقت آ گیا ہے کہ ووٹ اور ووٹر کو عزت دی جائے ان خیالات کا اظہار انہوں نے اتوار کے روز کلر سیداں کے قریب چوکپنڈوری میں مرکزی الیکشن آفس کے افتتاح اور ریلی کے شرکا سے خطاب کرتے ہوئے کیا۔اس موقع پر مسلم لیگ ن تحصیل کلر سیداں کے جنرل سیکرٹری راجہ گلستان خان، حاجی اخلاق حسین، صوفی ضابر حسین، آصف منہاس، جبران صفدر کیانی، حق نواز آرائیں، شیخ خورشید احمد، حسن سرائیکی اور دیگر بھی موجود تھے۔سالار اسلام نے کہا کہ منفی ہتھکنڈوں کے ذریعے مخالفین ہمارے حوصلوں کو کمزور نہیں کر سکتے حلقہ کے لوگ جو ق در جوق ہمارے قافلے میں شامل ہو رہے ہیں عوام میری طاقت ہیں ہم اپنے عمل سے ثابت کریں گے کہ کوئی ہمیں ڈرا دھمکا کر اور ہتھکڑیاں لگا کر نواز شریف سے ہماری وفاداری بے وفائی میں بدل نہیں سکتا۔ہم اس مشکل وقت کا خندہ پیشانی سے مقابلہ کریں گے حلقہ کے لوگ میری طاقت بنیں گے اور آج ہر شخص قمر الاسلام بن چکا ہے مخالفین کتنے لوگوں کو ہتھکڑیاں پہنائیں گے ۔

مسلم لیگ ن کے خلاف سازشیں کی جا رہی ہیں,راجہ عبدالحمید ایڈووکیٹ

حلقہ پی پی 9سے مسلم لیگ ن کے نامزد امیدوار راجہ عبدالحمید ایڈووکیٹ نے کہا ہے کہ مختلف اطراف سے نواز شریف اور مسلم لیگ ن کے خلاف سازشیں کی جا رہی ہیں اور مسلم لیگی امیدواروں سے ٹکٹ واپس کرنے کا کہا جا رہا ہے یہ طرز عمل انتخابات کی شفافیت کو مشکوک بنا سکتا ہے ۔ان خیالات کا اظہار انہوں نے اتوار کے روز کلر سیداں کی یونین کونسل بشندوٹ میں راجہ فرحت کیانی کی رہائش گاہ پر انتخابی اجلاس سے خطاب کرتے ہوئے کیا جس میں یوسی بشندوٹ کے کونسلروں کے علاوہ مسلم لیگ ن یوسی بشندوٹ کے صدر چوہدری محمد حنیف نے بھی شرکت کی۔راجہ عبدالحمید ایڈووکیٹ نے کہا کہ قوم کل کی طرح آج بھی متحد ہے اور یہ تمام تر سازشوں اور دباؤ کے باوجود 25جولائی کو شیر کے نشان پر مہر لگا کر نواز شریف کے امیدواروں کو بھاری اکثریت سے کامیاب کرے گی۔راجہ فرحت کیانی نے کہا کہ یوسی بشندوٹ کے لوگ انتخابات میں شاہد خاقان عباسی اور راجہ عبدالحمید ایڈووکیٹ کو پوری قوت سے فتح یاب کریں گے ۔

منیر چشتی کی و ا لد ہ محترمہ کی رسم چہلم کی تقریب دوبیرن کلاں میں ہوئی

منیر چشتی کی و ا لد ہ محترمہ کی رسم چہلم کی تقریب دوبیرن کلاں میں ہوئی جس میں چیئر مین یو سی د و بیر ن ر ا جہ ند یم ا حمد ،وائس چیئر مین ٹھیکید ا ر بشا ر ت ،تنویر بھٹی، علی افسر بھٹی ،خا ن شبیر خا ن ،چو ہد ر ی تو قیر ا سلم ،حبیب الرحمان قریشی اور دیگر نے شرکت کی ۔علامہ نثار الرحمان نے تقریب سے خطاب کرتے ہوئے کہا کہ و ا لد ہ د نیا کی عظیم ہستی ہے جس کی د عا ؤ ں سے ا نسا ن د نیا میں ا علی سے ا علی مقا م حا صل کر تا ہے ا نہو ں نے کہا کہ ا للہ تعا لی نے ما ں کی عظیم ہستی کی قر آ ن مجید میں بھی تعر یف کی ہے۔

شا ہد خا قا ن عبا سی آ ج بر و ز سو مو ا رشام 5بجے چوآ روڈ پر انتخابی اجتماع سے خطاب کریں گے

سا بق و ز یر ا عظم شا ہد خا قا ن عبا سی آ ج بر و ز سو مو ا رشام 5بجے چوآ روڈ پر انتخابی اجتماع سے خطاب کریں گے جس کی صدارت ریٹائرڈ تحصیلدار چوہدری محمد حسین کریں گے تقریب میں بلدیہ کلر سیداں تمام یوسیز کے کونسلر ،لیگی عہدیداران، کارکنان،تاجر ،طلبہ اور معززین علاقہ بھی شرکت کریں گے ۔