Kallar Syedan: Serious Issues Over Online Land Partition System

کلر سیداں (پوٹھوار ڈاٹ کام — اکرام الحق قریشی |02جولائی 2026) —پنجاب بھر میں زمین کی خرید و فروخت کے لیئے فرد کے اجرا پر پابندی اور آن لائن تقسیمِ اراضی نظام پر شہریوں کے سوالات اور تحفظات، شدید مشکلات کا سامنا،شہریوں اور قانونی حلقوں نے حکومت کی جانب سے تقسیمِ اراضی سمیت ریونیو امور کو آن لائن کرنے کے اقدام کا خیر مقدم کرتے ہوئے مطالبہ کیا ہے کہ اس نظام کو پورے صوبے میں نافذ کرنے سے قبل کسی ایک تحصیل میں بطور پائلٹ پراجیکٹ آزمایا جائے تاکہ عملی مشکلات، تکنیکی خامیوں اور عوامی شکایات کا مؤثر ازالہ کیا جا سکے۔
شہریوں کا کہنا ہے کہ موجودہ آن لائن نظام میں متعدد بنیادی مسائل موجود ہیں۔ اگر تقسیمِ اراضی کی درخواست میں دس یا اس سے زائد درخواست گزار ہوں تو وہ ایک ہی درخواست میں کیسے شامل ہوں گے، جبکہ سسٹم صرف ایک سائل کا آپشن دیتا ہے۔ اسی طرح اگر ایک سے زیادہ مسئول علیہ ہوں تو انہیں درخواست میں شامل کرنے کا طریقہ بھی موجود نہیں۔معروف قانون دان جاوید چشتی ایڈووکیٹ نے یہ سوال بھی اٹھایا کہ یکجا تتمہ کٹوانے کی صورت میں گرین پراپرٹی سرٹیفکیٹ کیسے جاری ہوگا کیونکہ موجودہ نظام صرف واحد ملکیت کی بنیاد پر سرٹیفکیٹ جاری کرتا ہے۔ اسی طرح اگر متعدد مسئول علیہ مشترکہ طور پر جواب داخل کرنا چاہیں تو اس کی سہولت بھی سسٹم میں موجود ہی نہیں۔ انہوں نے استفسار کیا کہ “اضافی دستاویزات” سے سسٹم کی مراد کیا ہے اور کن دستاویزات کو لازمی طور پر اپ لوڈ کرنا ہوگا۔ اگر درخواست پر اعتراض عائد ہو جائے تو درخواست گزار کو اعتراض کی نوعیت سے کیسے آگاہ کیا جائے گا، جبکہ اعتراض دور کرنے کی کوشش کے دوران سسٹم بار بار تکنیکی خرابی کا شکار ہو جاتا ہے۔قانونی ماہرین کے مطابق سب سے بڑا مسئلہ یہ ہے کہ موجودہ صورتحال میں فرد برائے ریکارڈ جاری نہیں ہو رہی، جبکہ مستقبل میں عدالتوں میں گرین پراپرٹی سرٹیفکیٹ کو بنیادی ثبوت کے طور پر پیش کیا جانا ہے۔ دوسری جانب گرین پراپرٹی سرٹیفکیٹ کے اجرا کے لیے واحد ملکیت درکار ہے، واحد ملکیت کے لیے تقسیمِ اراضی ضروری ہے، اور تقسیمِ اراضی کے لیے فرد کا حصول لازمی ہے، مگر فرد ہی جاری نہیں ہو رہی۔ اس صورتحال نے پورے نظام کو عملی طور پر ایک پیچیدہ دائرے میں تبدیل کر دیا ہے۔انہوں نے مطالبہ کیا ہے کہ آن لائن ریونیو نظام کو مکمل طور پر نافذ کرنے سے پہلے تمام تکنیکی، قانونی اور عملی مسائل حل کیے جائیں تاکہ عوام کو سہولت میسر آئے اور عدالتی و انتظامی معاملات میں مزید پیچیدگیاں پیدا نہ ہوں۔

Kallar Syedan Traffic Police Issued 2,866 E-Challans, Collecting Over Rs. 3.7 Million in Fines

کلر سیداں (پوٹھوار ڈاٹ کام — اکرام الحق قریشی |02جولائی 2026) —سٹی ٹریفک پولیس کلر سیداں نے گزشتہ ماہ مسافر گاڑیوں اور بغیر ہیلمٹ موٹر سائیکلوں کیخلاف کارروائی کے دوران 2866 گاڑیوں کو ای چالان ٹکٹس جاری کرتے ہوئے مجموعی طور پر 3769500 روپے کا جرمانہ وصول کر کے سرکاری خزانے میں جمع کروایا، انچارج سٹی سرکل آفیسر سجاد حسین قریشی، ڈیوٹی آفیسر ناصر سعید، بیٹ انچارج عادل منیر، ہارون نثار،راجہ سہیل صابر،چوہدری ماجد اور راشد جنجوعہ نے اوور لوڈنگ کے مرتکب قانون شکن ٹرانسپورٹروں،زائد کرایہ وصولی اور خطرناک ڈرائیونگ سمیت متعدد موٹر سائیکل سواروں کیخلاف کارروائی کرتے ہوئے مسافر گاڑیوں میں غیر معیاری و غیر قانونی سلنڈرز نصب کرنے پر تین مسافر گاڑیوں کو تھانے بند کروا دیا۔

Residents Demand Relocation of Water Filtration Plant from Kallar Syedan Sports Stadium

کلر سیداں (پوٹھوار ڈاٹ کام — اکرام الحق قریشی |02جولائی 2026) —کلریوتھ کونسل سمیت کئی افراد نے کلرسیداں اسپورٹس اسٹیڈیم میں فلٹریشن پلانٹ کی جگہ کو فوری تبدیل کرنے کا مطالبہ کیا اس سلسلے میں ایک اجلاس بدھ کی شام کو اسپورٹس اسٹیڈیم میں ہو جس سے سابق رکن بلدیہ عاطف اعجاز بٹ نے خطاب کرتے ہوئے کہا کہ بلدیہ کے تین کونسلروں کے اجلاس میں فلٹریشن پلانٹ کی تبدیلی پر اتفاق رائے ہوا تھا اب اس پر عمل نہیں ہو رھا تو پاکستان پیپلز پارٹی اس مسئلے پر کلر یوتھ کونسل کے ساتھ کھڑی رہے گی، مولوی نذیر احمد نے کہا کہ ہمارا اس پلانٹ کی تنصیب کا فیصلہ ہو چکا تھا اس پر عمل ہونا چاہیے،پی ٹی آئی کے راشد کیانی نے کہا کہ گراؤنڈ شہری بچوں کا مستقبل ہے اسے متاثر نہیں ہونا چاہیے فلٹریشن پلانٹ کی آڑ میں گراؤنڈ کم نہیں ہونا چاہیے،شیخ تیمور قدوس نے کہا کہ ہمیشہ گراؤند کو ہی ٹارگٹ کیا جاتا ہے مسلم لیگ ن کے رہنما چوھدری نعیم بنارس نے کہا کہ میری درخواست پر ارکان اسمبلی راجہ اسامہ سرور اور راجہ صغیر احمد نے ایک ہفتے کے اندر اس پلانٹ کی لوکیشن تبدیل کرنے کا وعدہ کیا ہے،مسلم لیگ ن سٹی کلر کے عہدیدار شیخ توقیر احمد،سردار تاج،سہیل بٹ،ندیم الفت،قیصر خلجی و دیگر نے بھی کہا کہ کوئی بھی فلٹریشن پلانٹ کا مخالف نہیں مسئلہ صرف یہ ہے کہ اگر اسے گراونڈ کی جگہ کم ہونے کے باعث دوسری جانب منتقل کردیا جائے تو مسئلہ کو خوش اسلوبی سے حل کیا جا سکتا ہے،

Senior Journalist Anwar Mirza Passes Away in Hazro; Funeral Offered

سینئر صحافی انور مرزا انتقال کر گئے، نماز جنازہ حضرو میں ادا

کلر سیداں (پوٹھوار ڈاٹ کام — اکرام الحق قریشی |02جولائی 2026) —حضرو کے سینئر اور بزرگ صحافی انور مرزا انتقال کر گئے نمازجنازہ خلافت والی جنازہ گاہ حضرو میں ادا کی گئی جس میں علاقہ چھچھ کے سیاسی سماجی رہنماؤں تاجروں اور صحافیوں نے شرکت کی اور ان کے درجات کی بلندی کے لیئے خصوصی دعا کی۔