Kahuta Press Club Delegation Meets THQ Hospital MS, Discusses Issues

Action Taken After News Report: MC Kahuta Closes Open Manhole Left Unattended for Three Weeks

مٹور (نمائندہ پوٹھوار ڈاٹ کوم کبیر احمد جنجوعہ،15اپریل2026)
“اخبارات”میں خبر کی اشاعت کے بعد واٹر سپلائی ایم سی کہوٹہ کے عملے آنکھ کھل گی،خواب خرگوش کے مزے لینے والا محکمہ واٹر سپلائی ایم سی کہوٹہ کے عملے نے تین ہفتو ں سے کھلے مین ہو ل کو فی الفور بند کر دیا،محلہ گرڈ اسٹیشن کی عوام کا صحافیوں کا شکریہ،تفصیل کے مطابق تین ہفتے قبل ایم سی کہوٹہ کے واٹر سپلائی کے عملے نے جامع مسجد الخلیل اور جامع القرآن للبنات کا جانے والے واحد راستے میں پائپ لائن پر ایک بڑا گہڑا کھو د ا کام کیا اور رفو چکر ہو گے،تین ہفتے سے کھلے مین ہول اور پارشوں کی وجہ سے اہل علاقہ نمازیوں اور جامع کی بچیوں کو گزرنے میں شدید مشکلات کا سامنا کرنا پڑھ رہا تھا ایم سی کہوٹہ واٹر سپلائی کے ایک زمہ دار افسر اور اے سی کہوٹہ کے واٹس ایپ گروپ میں اطلاع کرنے کے باوجود بھی انہوں نے کوئی بھی عمل درآمد نہ کیا جس پر گذشتہ روز اس مسلے کو اخبارات میں ہائی لائٹ کیا گیا جس پر واٹر سپلائی ایم سی کہوٹہ کے عملے آنکھ کھل گی اورخواب خرگوش کے مزے لینے والا محکمہ واٹر سپلائی ایم سی کہوٹہ کے عملے نے تین ہفتو ں سے کھلے مین ہو ل کو فی الفور بند کر دیا،محلہ گرڈ اسٹیشن کی عوام کا صحافیوں کا شکریہ ادا کیا ہے۔

Encroachments and Chaotic Parking Create Severe Problems for Residents in Kahuta

کہوٹہ میں تجاوزات اور بے ہنگم پارکنگ کا راج، شہری شدید مشکلات کا شکار

مٹور (نمائندہ پوٹھوار ڈاٹ کوم کبیر احمد جنجوعہ،15اپریل2026)
تحصیل انتظامیہ کہوٹہ کی غفلت،شہر میں تجاوزات کی بھرمار، افسران اہر کینڈیشن والے کمروں سے تک محدود،آفس سے باہر نکلنے کے بجائے آفس میں ہی بیٹھ کر اعلیٰ افسران کو (سب اچھا) کی روپورٹیں، شہر میں ریڑھی بانوں اور بے ہنگم پارکنگ کا راج شہریوں کا جینا دوبھر کہوٹہ شہر میں ریڑھی بانوں کی بڑھتی ہوئی تعداد اور رکشوں کی بے ہنگم پارکنگ نے شہریوں کے لئے شدید مشکلات پیدا کر دی ہیں۔ اندرون شہر جگہ جگہ ریڑھیاں لگنے کے باعث پیدل چلنا بھی محال ہو چکا ہے، جبکہ رہی سہی کسر رکشہ ڈرائیورز کی من مانی پارکنگ نے پوری کر دی ہے۔شہریوں کا کہنا ہے کہ مین بازار، مٹور چوک میں ٹریفک کا نظام بری طرح متاثر ہو چکا ہے، جہاں نہ پیدل چلنے والوں کیلئے راستہ بچتا ہے اور نہ ہی گاڑیوں کی روانی برقرار رہتی ہے۔ خاص طور پر مصروف اوقات میں صورتحال مزید سنگین ہو جاتی ہے، جس سے کاروباری سرگرمیاں بھی متاثر ہو رہی ہیں۔عوامی حلقوں نے انتظامیہ کی کارکردگی پر سوالات اٹھاتے ہوئے الزام عائد کیا ہے کہ متعلقہ عملہ ریڑھی بانوں کے سامنے بے بس دکھائی دیتا ہے یا پھر مبینہ طور پر مالی مفادات کے باعث آنکھیں بند کئے ہوئے ہے۔شہریوں نے وزیراعلیٰ پنجاب مریم نواز شریف اور ڈپٹی کمشنر راولپنڈی سے فوری نوٹس لینے کا مطالبہ کرتے ہوئے کہا ہے کہ شہر میں ٹریفک اور تجاوزات کے مسئلے کو ترجیحی بنیادوں پر حل کیا جائے تاکہ شہریوں کو درپیش مشکلات کا خاتمہ ممکن ہو سکے۔

Annual Prize Distribution Ceremony Held at Government Girls High School Thoha Khalsa with Distinguished Guests in Attendance

گورنمنٹ گرلز ہائی سکول تھوہا خالصہ میں سالانہ تقریب تقسیم انعامات، معزز مہمانان کی شرکت

مٹور(نمائندہ پوٹھوار ڈاٹ کوم کبیر احمد جنجوعہ،16اپریل2026)
گورنمنٹ گرلز ہائی سکول تھوہا خالصہ میں سالانہ تقریب تقسیم انعامات، بریسٹر احمد صغیر راجہ کواڈینٹئر ٹو ایم پی اے، راجہ عرفان سرور کی بطور مہمان خصوصی شرکت، بڑی تعداد میں معززٹیچرز، پنجاب ٹیچرز یونین تحصیل کہوٹہ کے عہدیدران،بچیوں کے والدین، سیاسی وسماجی شخصیات کی شرکت،سکول کی بچیوں نے تقاریر، ملی نغمیں اور رنگارنگ کے ٹیبلو پیش کر کے حاضرین سے خوب داد موصول کی،تفصیل کے مطابق گذشتہ روز گورنمنٹ گرلز ہائی سکول تھوہا خالصہ میں سالانہ تقریب تقسیم انعامات میں ایک خوبصورت تقریب تقسیم انعامات کا انعقاد کیا گیا جس میں پاکستان مسلم لیگ ن کے ایم پی اے راجہ صغیر احمد کے صاحبزادے بریسٹر احمد صغیر راجہ،نوجوان قیادت راجہ عرفان سرور امیدوار برائے چیئرمین یونین کونسل مٹور، سابق پرنسپل گورنمنٹ ہائر سکینڈری سکول کہوٹہ سر ناظم قمر قریشی،پنجاب ٹیچرز یونین تحصیل کہوٹہ کے عہدیدران ماسٹر راجہ تیمور اختر چیئرمین پنجاب ٹیچر یونین ضلع راولپنڈی، ماسٹر راجہ اشراق جنجوعہ،ہیڈ ماسٹر گورنمنٹ بوائز ہائی سکول تھوہا خالصہ راجہ مہران سعید سمیت،بچیوں کے والدین، سیاسی وسماجی شخصیات نے شرکت کی اس موقع پر سکول کی بچیوں نے تقاریر، ملی نغمیں اور رنگارنگ کے ٹیبلو پیش کر کے حاضرین سے خوب داد موصول کی آخر میں مہمان خصوصی بریسٹر احمد صغیر راجہ کواڈینٹئر ٹو ایم پی اے، راجہ عرفان سرورپوزیشن ہولڈر بچیوں میں انعامات تقسیم کیے اور پرنسپل سکول گورنمنٹ گرلز ہائی سکول تھوہا خالصہ اور تمام سٹاف کی شاندار کاکرردگی کی تعریف کی اور اپنی طرف سے سکول کے ساتھ ہمیشہ کی طرع بھر پو ر تعاون کا یقین دیلایا۔

Prolonged Streetlight Outage in Kahuta Sparks Safety Concerns, Residents Urge Immediate Action

کہوٹہ میں دو ماہ سے سٹریٹ لائٹس بند، شہریوں میں تشویش، فوری بحالی کا مطالبہ

مٹور(نمائندہ پوٹھوار ڈاٹ کوم کبیر احمد جنجوعہ،16اپریل2026)
کہوٹہ انتظامیہ کی غفلت و لاپر وائی 2 ماہ سے سٹریٹ لائٹس بند کہوٹہ شہر میں گھپ اندھیراجبکہ ایم سی کہوٹہ کے متعدد علاقے سٹریٹ لائٹس کی بنیادی سہولت سے محروم،ضلعی انتظامیہ سے نوٹس لینے کی اپیل، تفصیلات کے مطابق کہوٹہ کے علاقے چھنی اعوان، محلہ کٹھڑاں، پنجاڑ چوک محلہ راجگان، کوٹلی لنک روڈ، محلہ بحریہ، محلہ بھلنگڑی، جنجوعہ بازار اور دیگر علاقوں کی سٹریٹ لائیٹس ایک عرصے سے بند ہیں گلیوں میں گھپ اندھیرے کے باعث گزرنے والے شہریوں سے چھینا جھپٹی کی وارداتیں بھی ہونے لگی میونسپل کمیٹی کہوٹہ کے افسران کی مبینہ غفلت اور نااہلی کے باعث سٹریٹ لائٹس کی مرمت کیلئے درکار بلب ہولڈرز اور دیگر سامان تاحال فراہم نہیں کیا جا سکا علاقہ مکینوں نے اس صورتحال پر شدید تشویش کا اظہار کرتے ہوئے کہوٹہ انتظامیہ سے فوری نوٹس لینے اور سٹریٹ لائٹس کی بحالی کا مطالبہ کیا ہے تاکہ عوام کو درپیش مشکلات کا خاتمہ ہو سکے۔

THQ Hospital Kahuta Faces Staff Shortages and Lack of Basic Facilities, Residents Demand Urgent Upgrade

ٹی ایچ کیو ہسپتال کہوٹہ میں سہولیات کی کمی اور عملے کی قلت، عوام کا فوری اپ گریڈیشن کا مطالبہ

مٹور(نمائندہ پوٹھوار ڈاٹ کوم کبیر احمد جنجوعہ،16اپریل2026)
ہسپتال کہوٹہ بنیادی سہولیات کی کمی، خالی اسامیاں اور اپ گریڈیشن کے مسائل برقرارتحصیل کہوٹہ اور ملحقہ کشمیر کے وسیع علاقوں کی لاکھوں آبادی کے لیے قائم تحصیل ہیڈکوارٹر (THQ) ہسپتال کہوٹہ آج بھی بنیادی طبی سہولیات کے شدید فقدان کا شکار ہے۔ ہسپتال اپنی اہمیت کے باوجود عملے کی کمی، جدید مشینری کی عدم دستیابی اور انتظامی مسائل کی وجہ سے مکمل طور پر فعال نہیں ہو سکا۔ہسپتال میں او ٹی (آپریشن تھیٹر) کی تین اہم اسامیاں خالی ہیں جبکہ سرجن کی دو سیٹوں کی ضرورت کے باوجود صرف ایک سرجن خدمات انجام دے رہا ہے۔ اسی طرح گائنی اور اینستھیزیا کے شعبوں میں بھی اہم اسامیاں خالی ہونے کے باعث آپریشنز کا نظام متاثر ہے۔ ریڈیالوجسٹ اور ریڈیوگرافر کی کمی کے باعث ایکسرے اور دیگر تشخیص سہولیات محدود ہیں، جس سے مریضوں کو شدید مشکلات کا سامنا ہے۔ہسپتال 60 بیڈز پر مشتمل ہے جبکہ اس کی توسیع کے لیے 40 مزید بیڈز کی تعمیر جاری ہے، تاہم یہ منصوبہ بھی سست روی کا شکار بتایا جا رہا ہے۔ ڈیٹا انٹری آپریٹرز کی چار اسامیاں بھی عرصہ دراز سے خالی ہیں، جس کے باعث ریکارڈ مینجمنٹ اور انتظامی امور متاثر ہو رہے ہیں۔مقامی ذرائع کے مطابق جب بھی ہسپتال کی جانب سے نئی اسامیوں یا سہولیات کے لیے ریکوزیشن اعلیٰ حکام کو بھیجی جاتی ہے تو بعض اوقات اسے منظور کرنے کے بجائے فائلوں میں ہی ختم کر دیا جاتا ہے، جس سے ادارے کی بہتری کا عمل رک جاتا ہے۔عوامی حلقوں کا کہنا ہے کہ منتخب نمائندوں کی جانب سے بار بار دورے اور افتتاحی تقاریب تو کی جاتی ہیں، تاہم ہسپتال کی اپ گریڈیشن، جدید مشینری کی فراہمی اور خالی آسامیوں کی تکمیل کے لیے عملی اقدامات نظر نہیں آتے۔ہسپتال کے عملے کو بھی مسائل کا سامنا ہے، کیونکہ زیادہ تر اسٹاف دور دراز علاقوں سے آتا ہے اور ٹرانسپورٹ کی سہولت نہ ہونے کے باعث حاضری اور کارکردگی متاثر ہوتی ہے۔عوامی و سماجی حلقوں نے حکومت سے مطالبہ کیا ہے کہ THQ ہسپتال کہوٹہ کو فوری طور پر مکمل عملہ فراہم کیا جائے، جدید طبی مشینری مہیا کی جائے اور جاری توسیعی منصوبے کو جلد مکمل کیا جائے تاکہ علاقے کے مریضوں کو بہتر طبی سہولیات میسر آ سکیں۔