Chakswari, AJK: “Flour Crisis Intensifies in Chakswari as Food Department Imposes Flour Rationing”

چکسواری: (پوٹھوار ڈاٹ کام،نمائندہ خصوصی اللہ دتہ بسمل,15,ستمبر,2023) —چکسواری میں آٹے کا بحران شدت اختیار کر گیا۔ محکمہ خوراک نے چکسواری کے آٹے پر کٹ لگا دیا۔ چکسواری کا کوٹہ 375ٹن تھا جس پر کٹ لگاتے ہوئے اب صرف 175ٹن کر دیا گیا ہے۔55فیصد کم کر دیا گیا ہے جو 45فیصد رہ گیا ہے۔ ایک لاکھ کی آبادی کیلئے صرف سات ہزار بیس کلو کے تھیلے دئیے جا رہے ہیں جو چکسواری کی ایک لاکھ کی آبادی میں پورے کرنا نا ممکن ہے۔ آٹا ڈپو اور ڈیلرز کی دکانوں کے باہر لمبی قطاریں لگی رہتی ہیں۔ وزیر اعظم آزاد کشمیر چودھری انوار الحق اور وزیر حکومت چودھری قاسم مجید نوٹس لیں اور آٹے کا سابقہ کوٹہ بحال کروائیں۔تفصیلات کے مطابق محکمہ خوراک نے غریبوں کے لئے آٹا نا پید کر دیا۔جوں جوں مہنگائی بڑھ رہی ہے محکمہ خوراک کوٹہ کم کر تا جا رہا ہے۔چکسواری کے عوام نے محکمہ خوراک کے ارباب اختیار کے رویے کے خلاف شدید احتجاج کرتے ہوئے کہا ہے کہ وزیر حکومت چودھری قاسم مجید نوٹس لیں اور آٹے کی قلت کو دور کروائیں۔چودھری قاسم مجید عوام کے درمیان آئیں اور آٹے کے حصول کیلئے لگنے والی لمبی قطاریں دیکھیں۔ لوگ اس وقت غربت اور بے روزگاری سے سخت تنگ ہیں اور آٹے کے ایک تھیلے کیلئے صبح سے دوپہر تک لمبی قطاروں میں کھڑے رہتے ہیں۔ محکمہ خوراک کے نئے افسران چکسواری کا کوٹہ پورا کریں۔

Chakswari: (Pothwar.com, Allah Ditta Bismal, 15, September 2023) — The flour crisis has intensified in Chakswari. The food department has imposed a cut on Chakswari flour. The quota of Chakswari was 375 tonnes, which has now been reduced to 175 tonnes by applying a cut. 55% has been reduced to 45%. For a population of 1 lakh, only 7,200 kg bags are being given, which is impossible to fulfill in the 1 lakh population of Chakswari. There are long queues outside flour depots and dealers’ shops. Azad Kashmir Prime Minister Chaudhry Anwarul Haq and Government Minister Chaudhry Qasim Majeed should take notice and restore the previous quota of flour.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چکسواری: (پوٹھوار ڈاٹ کام،نمائندہ خصوصی اللہ دتہ بسمل,15,ستمبر,2023) —چک سواری پریس کلب اورچنار پریس کلب اسلام گڑھ کے صحافیوں نے چودھری اللہ دتہ بسمل اور چودھری امجد علی کی قیادت میں ایس ایس پی میرپور اور سابق ڈی جی اطلاعات سے ملاقات۔چک سواری پریس کلب اور چنار پریس کلب اسلام گڑھ کے صدور چودھری اللہ دتہ بسمل،چودھری امجد علی کی قیادت میں صحافیوں کے وفد نے ایس ایس پی میرپور راجہ عرفان سلیم سے ملاقات کی اور انہیں عمرہ کی سعادت حاصل کرنے پر مبارک باد دی۔ اس موقعہ ایس ایس پی میرپور نے صحافیوں سے گفتگو کرتے ہوئے کہا کہ پولیس کم عمر ڈرائیوروں کے خلاف قانون کے مطابق کارروائی کررہی ہے وہاں والدین بھی کم عمر بچوں کو ڈرائیونگ کی اجازت ہر گز نہ دیں،خدانخواستہ کسی بھی حادثہ کے نتیجہ میں سب سے زیادہ نقصان والدین ہی کا ہوتا ہے۔ایس ایس پی نے کہا کہ جن گاڑیوں اور بالخصوص ٹریکٹروں کی نمبر پلیٹیں نہیں لگی ہونگی ان کے مالکان اور ڈرائیوروں کے مقدمات درج کریں گے اور انہیں ہر صورت جزا و سزا کے عمل سے گزاریں گے۔ایک سوال کے جواب میں عرفان سلیم نے بتایا کہ پیشہ ور بھکاریوں کو بھی حوالات میں بند کریں گے اور ان کے خلاف بھی قانوں حرکت میں آئے گا۔انہوں نے مزید کہا کہ نان رجسٹرڈ غیر ریاستی افراد اور نیشنل ایکشن پلان کی خلاف ورزی کرنے والے بلڈنگ مالکان کے خلاف بھی مقدمات بھی قائم کر کے کٹہرے میں لائیں گے۔وفد میں محمد اقبال خواجہ،عنصر محمود غزالی،محمد اسحق خواجہ اور محمد رفیق بھٹی شامل تھے۔ وفد نے اس سے قبل ریٹائرڈ ڈی جی اطلاعات راجہ اظہر اقبال سے بھی ملاقات کی اور ان سے تباد لہ خیالات کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکسواری: (پوٹھوار ڈاٹ کام،نمائندہ خصوصی اللہ دتہ بسمل,15,ستمبر,2023) —دارلعلوم محمدیہ حیدریہ بن بڑوٹیاں چکسواری کا ایک اور اعزاز۔انٹر میڈیٹ بورڈ علم و ادب گروپ میں مدرسہ ہذا کے طالب علم محمد منصور نسیم نے پہلی پوزیشن۔منصور نسیم نے 1100میں سے 959نمبر حاصل کئے۔اہل علاقہ اور دوستوں عزیزوں کی مبارکباد۔تفصیلات کے مطابق دارلعلوم محمدیہ حیدریہ بن بڑوٹیاں کے ہونہار طالب علم محمد منصور نسیم نے انٹر میڈیٹ کے سالانہ امتحانات میں علم و ادب میں اول پوزیشن حاصل کی۔ اہل علاقہ کونسلر محمد ساجد نظامی،صدر سی یو جے ضلع میرپور راجہ نثار احمد خان،چکسواری پریس کلب کے صدر اللہ دتہ بسمل چودھری،انجمن تاجراں کے صدر محمد شفیق خواجہ،چکسواری پریس کلب کے نائب صدر محمد تاج جالب،مرکزی انجمن تاجراں چکسواری کے سینئر نائب صد رراجہ عبدالعزیز،راجہ اتفاق اور دیگر نے دارلعلوم محمدیہ حیدریہ کے مہتمم حاجی محمد یونس خان،نگران اعلیٰ نفیس احمد کیانی،پرنسپل مولانا محمد آفتاب اور تمام اساتذہ کو مبارکبا دپیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بازو گیری (بینی) کے نامور پہلوان چودھری ثاقب ریاست آف ڈھانگری بہادر کااعزاز
چودھر ی منیراختراورچودھری ساجدرزاق کی خصوصی مبارک باد

چکسواری: (پوٹھوار ڈاٹ کام،نمائندہ خصوصی اللہ دتہ بسمل,15,ستمبر,2023) — ڈھانگری بہادر یونین کونسل فیض پورشریف سے تعلق رکھنے والے بازو گیری (بینی) کے نامورپہلوان چودھری ثاقب ریاست نے بازو گیری کا ایک اور مقابلہ جیت کراپنی کامیابیوں اورکامرانیوں کاتسلسل جاری رکھاگوئی کوٹلی آزادکشمیر میں بازو گیری کے مقابلے میں اپنے مدمقابل پہلوان عمران بٹ آف گوئی کوشکست دے کرمقابلہ جیت لیا چودھری منیر اخترآف ڈھانگری بہادر حال مقیم نیویارک امریکہ اور چودھری ساجدرزاق آف ڈھانگری بہادر حال مقیم بریڈفورڈبرطانیہ نے پہلوان چودھری ثاقب ریاست کواس شاندار کامیابی پرخصوصی مبار کبادپیش کی ہے اوراس کامیابی پردلی مسرت کااظہارکیاہے۔ مبارک بادپیش کرنے والوں میں پہلوان چودھری ثاقب کے استاد پہلوان چودھری رب نواز بھگور پہلوان راجہ لطیف پہلوان کامران کامی پہلوان احتشام پہلوان حمزہ پہلوان علی شان پہلوان پرویز پہلوان شکیل حسین شاہ پہلوان لیاقت یوکے حاجی چودھری محمدسلیم ڈھانگری بہادر چودھری قربا ن یوکے بابو چودھری کرامت کوٹھوی چودھری شہزاد کوٹھوی چودھری ساجدپنوں یوکے چودھری عنصر اسلم یوکے افضال یوکے یاسر یوکے فیصل یوکے چودھری طاہر یوکے بھی شامل ہیں پہلوان ثاقب نے اپنی اس کامیابی پراللہ تعالی کاشکراد ا کیاہے اورکہاہے کہ یہ اللہ تعالی کاخصوصی کرم ہے اورعزیز واقارب دوست واحباب کی دعاؤں کانتیجہ ہے کہ بازو گیری کے ایک اورمقابلہ میں کامیابی ملی ہے اس کامیابی پرمبار ک بادپیش کرنے والوں کے خلوص پران کاد لی شکریہ اداکرتاہوں پہلوان ثاقب نے کافی مقابلوں میں حصہ لے چکاہوں اورزیادہ ترمقابلوں میں کامیابی نصیب ہوئی ہے انہوں نے کہاکہ میں اپنے استاد پہلوان چودھر ی رب نواز اوراپنی پوری ٹیم کاشکریہ اداکرتاہوں جن کی بہترین کوچنگ اورٹیم ورک کی بدولت کامیابیاں نصیب ہوئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔