Kallar Syedan; In two months, the Kallar Syedan police failed to trace the accused of any incident

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—کلرسیداں اور گردونواح میں مکمل ڈاکو راج کلرسیداں پولیس دو ماہ میں کسی ایک واردات کے ملزمان کا سراغ لگانے میں بھی ناکام ہے پولیس دو موبائل گاڑیاں موجود ہونے کے باوجود کسی بھی واردات کے ملزمان کو قابو میں کرنے میں ناکام کیوں ہے؟عوام علاقہ کا سی پی او سے سوال،تین ایام قبل کلرسیداں میں جوہری محمد زبیر رات گئے طلائی زیورات تیار کرکے گھر جا رھا تھا کہ شب کے دوبجے کے قریب تھانہ روڈ پر پولیس اسٹیشن کلرسیداں کے قریب اسے تین موٹرسائیکل سواروں نے رکنے کا حکم دیا مگر وہ بھاگ نکلا ملزمان نے فائرنگ شروع کردی مگر وہ جوہری محفوظ رہا۔یہ واردات کلرسیداں پولیس اسٹیشن سے چند سو گز دور ہوئی اسی شب دو نوجوان موٹرسائیکل سوار جامعہ مسجد سیداں کلرسیداں کی ایک نواحی عمارت کا تالا توڑ کر اندر داخل ہوئے جہاں صرف بھاری سامان پڑا ہوا تھا وہ کچھ چوری کیئے بغیر واپس چلے گئے اس واردات کی سی سی ٹی وی فوٹیج بھی کلرسیداں پولیس کو دی گئی جس میں ملزمان کے چہرے شناخت کیئے جا سکتے ہیں مگر کلرسیداں پولیس ملزمان کا سراغ لگانے میں مکمل ناکام ہے۔ادہر کہوٹہ شہر کی بستی چھنی کا ایک نوجوان کلرسیداں کے گاؤں موہڑہ روپیال کا پیڈسٹل فین چرا کر لے گیا اہل محلہ نے اطلاع ملنے پر اس کی تلاش شروع کردی وہ اس کی تلاش میں چوکپنڈوری بازار آئے تو معلوم ہوا کہ ایک نوجوان پنکھا اٹھائے کہوٹہ جانے والی بس میں سوار ہوا تھا جس کے بعد انہوں نے کہوٹہ کے قریب بس کو روک کر مبینہ چور کو پنکھے سمیت پکڑ لیا اور اسے چوکپنڈوری پولیس کے حوالے کردیا جہاں سے ابھی تک کوئی خبر جاری نہیں کی گئی یاد رہے کہ گزشتہ چند ماہ میں چوروں نے کلرسیداں کو یرغمال بنا رکھا ہے وہ جب جہاں چاہتے ہیں چوری کرکے فرار ہو جاتے ہیں اور پولیس انہیں نہ صرف تلاش کرنے میں ناکام ہے بلکہ اگر ملزم پکڑ کر پولیس کے سپرد کردیا جائے تو بھی کلرسیداں پولیس اس سے کچھ بھی اگلوا نہیں سکتی اور یہ سب کچھ سی پی او کے لیئے بھی باعث تشویش ہونا چاہیئے۔

Kallar Syedan ( Pothwar.com, Ikram ul Haq Qureshi, 13, August 2022)- Complete bandit rule in Kallar Syedan and its surroundings. For two months, the Kallar Syedan police failed to trace the accused of any incident, The people of the area have asked the CPO, three days ago, Jeweler Muhammad Zubair was going home late at night after preparing gold ornaments in Kallar Syedan, He was ordered to stop by three motorcyclists near the police station, but he ran away. The suspects started firing, but he was safe. This incident happened a few hundred yards away from Kallar Syedan ​​police station. The public are concerned about the law and order issue.

پولیس نے مویشی چوروں کے تین رکن گروہ کو گرفتار کر کے ان کے قبضہ سے مسروقہ بکری اور اسلحہ برآمد کر لیا

The police arrested three members of a gang of cattle thieves and recovered a stolen goat and weapons from their possession

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—تھانہ کلر سیداں پولیس کے ایس ایچ او سب انسپکٹر شیخ محمد نواز نے مویشی چوروں کے تین رکن گروہ کو گرفتار کر کے ان کے قبضہ سے مسروقہ بکری اور اسلحہ برآمد کر لیا ہے۔گرفتار ہونے والوں میں عمران خان،ناصر محمود اور بلال مجید شامل ہیں جن کا جسمانی ریمانڈ حاصل کر کے تفتیش شروع کر دی گئی ہے۔ملزمان نے دوران تفتیش مزید وارداتوں کا بھی انکشاف کیا ہے۔کلر سیداں گف سنگال کے رہائشی عقیق الرحمان نے پولیس کو بتایا کہ میں اپنے گاؤں کے قریب موجود تھا اور میں نے اپنی بکریاں گھاس چرنے کیلئے چھوڑ رکھی تھیں کہ اسی دوران ایک کیری ڈبہ بکریوں کے قریب آ کر کھڑا ہو گیا جن میں سے دو افراد نے نیچے اتر کر میری ایک عدد راس بکری مالیتی 55 ہزار کو زبردستی پکڑ کر گاڑی میں ڈال لیا اور کلر سیداں روات روڈ کی جانب فرار ہو گئے جس پر میں نے فوری طور پر ریسکیو 15کو اطلاع کر دی جنہوں نے بعدازاں تعاقب کر کے بکری چوروں کو گرفتار کر کے میری مسروقہ بکری برآمد کر لی۔پولیس نے دوران تلاشی ملزمان ناصر محمودسے پسٹل 30 بور بمعہ چار روند، بلال مجید سکنہ چیچہ وطنی کے قبضہ سے پسٹل 30 بور بمعہ پانچ روند برآمد کر لئے جبکہ واردات میں استعمال ہونے والی گاڑی بھی قبضہ میں لے لی گئی۔

جشن آزادی کے سلسلے میں ایک تقریب 14 اگست شب آٹھ بجے کلرسیداں کے قریب گاؤں اراضی میں مسلم لیگ ن کے سابق رکن پنجاب اسمبلی محمود شوکت بھٹی کی رھائش گاہ پر منعقد ہو رہی ہے

Independence Day is being held on August 14 at the residence of former member of the Muslim League-N, Punjab Assembly, Mahmood Shaukat Bhatti, in the village Arazi

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—جشن آزادی کے سلسلے میں ایک تقریب 14 اگست شب آٹھ بجے کلرسیداں کے قریب گاؤں اراضی میں مسلم لیگ ن کے سابق رکن پنجاب اسمبلی محمود شوکت بھٹی کی رھائش گاہ پر منعقد ہو رہی ہے جس میں مسلم لیگ ن کے مرکزی سینئر نائب صدر سابق وزیراعظم شاہد خاقان عباسی مہمان خصوصی ہوں گے۔

راجہ ندیم احمد کو اللہ تعالی نے 26 برس بعد اولاد کی نعمت سے نوازا ہے

Raja Nadeem Ahmed has been blessed with child after 26 years

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—مسلم لیگ ن کے سابق چیئرمین یوسی دوبیرن کلاں راجہ ندیم احمد کو اللہ تعالی نے 26 برس بعد اولاد کی نعمت سے نوازا ہے اللہ تعالی نے ان کے ہاں بچہ عنائت کیا ہے جس پر وہ ازحد درجہ خوش ہیں کہتے ہیں کہ وہ اللہ کا جتنا بھی شکر ادا کریں وہ کم ہے۔

سید نصیر حسین شاہ گیلانی حرکت قلب بند ہو جانے سے انتقال کر گئے

Syed Nasir Hussain Shah Gillani passed away

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—دربار عالیہ بانبڑیاں والی سرکار درکالی سیداں کے سجادہ نشین پیر سید فیصل حسین شاہ گیلانی کے بھائی سید نصیر حسین شاہ گیلانی حرکت قلب بند ہو جانے سے انتقال کر گئے، نماز جنازہ میں صاحب زادہ معی الدین،چوہدری ابرار حسین، نعمان ظفر ایڈوکیٹ،چوہدری اخلاق حسین، عمران مظہر،ممتاز علی قریشی، چوہدری توقیر اسلم،الحاج خالد رضا،صغیر بھولا قاضی عبد المجید،راجہ اظہر،ملک طارق موہڑہ پیرو راجہ محمد احسان کماندریال، ملک عبدالباسط کے علاؤہ مرحوم کے مریدین نے کثیر تعداد میں شرکت کی۔

برطانیہ کے شہر لیسٹر سے تعلق رکھنے والے اخلاق حسین بھٹی اور منیر حسین بھٹی کی والدہ محترمہ حرکت قلب بند ہونے سے انتقال کر گئیں نماز جنازہ چوآخالصہ کے قریب سہوٹ بگیال میں ادا کی گئی

The mother of Akhlaq Hussain Bhatti and Munir Hussain Bhatti from Leicester, UK, passed away in Sahot Baghyal, Choa Khalsa

کلرسیداں(نمائندہ پوٹھوار ڈاٹ کوم، اکرام الحق قریشی,13،اگست,2022)—برطانیہ کے شہر لیسٹر سے تعلق رکھنے والے اخلاق حسین بھٹی اور منیر حسین بھٹی کی والدہ محترمہ حرکت قلب بند ہونے سے انتقال کر گئیں نماز جنازہ چوآخالصہ کے قریب سہوٹ بگیال میں ادا کی گئی جس میں رکن پنجاب اسمبلی راجہ صغیر احمد،پیر محمد افضل نقیبی،بابو ظفر اقبال،افتخار حسین،نمبردار اسد عزیز،مسعود بھٹی،شیخ خورشید احمد،ڈاکٹر توقیر مقصود،راجہ علی اصغر،شیخ ذوالفقار،محمد عارف قریشی،راجہ غلام نقی،راجہ عماد کیانی،عبدالرشید بھٹی، نصیر بھٹی،مسعود چیمہ،مصطفی بابر جنجوعہ، راجہ نعمان ظفر،طیب بھٹی،تیمور بھٹی،جہانگیر بھٹی،ارشد محمود بھٹی،شیخ عامر خورشید، قاسم رضا قریشی،رضوان کلیا ل اور دیگر نے شرکت کی۔