Italy; PTI will win by majority, Sheikh Ibrar

اٹلی میں مقیم پاکستان تحریک انصاف کی نوجوان سیاسی شخصیت شیخ محمد ابرار نے کہا ہے کہ عام انتخابات میں پاکستان تحریک انصاف بھاری اکثریت سے کامیابی حاصل کرے گی اور چیئرمین عمران خان وزیراعظم ہوں گے جس سے ملک میں خوشحالی آئے گی اور لوگوں کا معیارزندگی بھی بہتر ہو گا اس ملک سے کرپشن لوٹ مار کے خاتمے کیلئے جو عمران خان نے جدوجہد کر رکھی ہے اس میں بے حد پیش رفت ہوئی ہے بلکہ نواز شریف کو پانامہ میں منظر عام پر لا کر اربوں ڈالر کی کرپشن کرنے پر اجاگر کیا ہے اگر عمران خان ملک کے کرپٹ مافیا کے سربراہ نواز شریف کو کٹہرے میں لا کر کھڑا نہ کرتے تو نواز شریف اور اس کے حواری اس ملک کو مزید اربوں ڈالر کا نقصان پہنچا دیتے۔انہوں نے کہا کہ پاکستان تحریک انصاف نے ملک کے خزانوں کو لوٹنے والوں کی نشان دہی کی ہے اور یہ جدوجہد جاری رہی گئی ان خیالات کا اظہار انہوں نے نمائندہ پوٹھوہار ڈاٹ کوم سے ٹیلی فونگ گفتگو کرتے ہوئے کیاانہوں نے کہا کہ پاکستان تحریک انصاف عوام کو محرومی سے نکالنے کیلئے بھی جامع منصوبہ بندی کر رکھی ہے تاکہ تمام بنیادی سہولتوں کی فراہمی ہو سکے انہوں نے مزیدکہا کہ حلقہ این 58میں پاکستان تحریک انصاف نمایاں کامیابی حاصل کرے گی 25جولائی کو صرف رسمی کارروائی کرنا باقی ہوگا حلقے کے عوام چوہدری محمد عظیم ،چوہدری جاوید کوثر ایڈووکیٹ اور چوہدری ساجد پر مکمل اعتماد کا اظہار کررہے ہیں اب گلیوں نالوں کی سیاست کرنے والوں کا وقت ختم ہو چکا ہے اب عمران خان کی حکومت ہوگی اور ملک ترقی کی راہ پر گامزن ہو گا ۔