Kahuta; Grand Opening of Pizza Baithak Mator Attended by Raja Sagheer Ahmed

مٹور (نمائندہ پوٹھوار ڈاٹ کوم کبیر احمد جنجوعہ،20اکتوبر2026)
مٹور کے مقام پر معروف سیاسی و سماجی شخصیات حاجی راجہ ظفر اقبال اور راجہ حسیب جاوید کے کاروباری مرکز ”پیزہ بیٹھک مٹور“ کا شاندار افتتاح، مسلم لیگ (ن) کے ایم پی اے راجہ صغیر احمد سمیت سیاسی و سماجی شخصیات کی بڑی تعداد میں شرکت، مالکان کو مبارکباد اور نیک خواہشات کا اظہار، مٹور کے مقام پر معروف سیاسی و سماجی شخصیات حاجی راجہ ظفر اقبال اور راجہ حسیب جاوید کے نئے کاروباری مرکز”پیزہ بیٹھک مٹور“ کا افتتاح کر دیا گیا۔ افتتاحی تقریب میں پاکستان مسلم لیگ (ن) کے ممبر صوبائی اسمبلی راجہ صغیر احمد سمیت علاقے کی ممتاز سیاسی، سماجی اور کاروباری شخصیات نے بڑی تعداد میں شرکت کی۔ اس موقع پر معزز مہمانوں نے حاجی راجہ ظفر اقبال اور راجہ حسیب جاوید کو نئے کاروبار کے آغاز پر مبارکباد پیش کی اور ان کے لیے نیک تمناؤں کا اظہار کیا۔تفصیلات کے مطابق مٹور کے مقام پر منعقد ہونے والی افتتاحی تقریب میں علاقے کی معروف شخصیات کی شرکت کے باعث تقریب کی رونقیں دوبالا ہو گئیں۔ شرکائے تقریب نے پیزہ بیٹھک مٹور کے قیام کو علاقے میں کاروباری سرگرمیوں کے فروغ کی جانب ایک مثبت قدم قرار دیا اور کاروباری مرکز کے مالکان کے لیے کامیابی اور ترقی کی دعا کی۔افتتاحی تقریب میں مسلم لیگ (ن) کے ایم پی اے راجہ صغیر احمد، کرنل راجہ خالد کمال، حاجی راجہ عبدالخالق، راجہ یاسر آف مٹور، راجہ عمر، راجہ بلال آف مٹور، راجہ نثار آف مٹور، راجہ احمد نواز جنجوعہ، راجہ عمران اللہ مٹور، راجہ ضیاء اللہ مٹور، راجہ عرفان سرور امیدوار برائے چیئرمین یونین کونسل مٹور، سید صابر نقوی، سید مبارک نقوی، ماسٹر راجہ نعیم، راجہ طارق سرور تھوہا، راجہ جاوید مارکیٹی، راجہ انجم جنجوعہ بگلہ، راجہ بلال جنجوعہ، راجہ علی اور ایڈیشنل جنرل سیکرٹری پریس کلب کہوٹہ کبیر احمد جنجوعہ سمیت بڑی تعداد میں سیاسی و سماجی شخصیات نے شرکت کی۔اس موقع پر شرکائے تقریب نے حاجی راجہ ظفر اقبال اور راجہ حسیب جاوید کے لیے نیک خواہشات کا اظہار کرتے ہوئے امید ظاہر کی کہ پیزہ بیٹھک مٹور علاقے کے لوگوں کے لیے ایک اچھا اضافہ ثابت ہوگا اور یہاں کے کاروباری ماحول کو مزید فروغ ملے گا۔

Mator (Pothwar.com – 20 October 2026, Kabir Ahmed Janjua) –: The new business centre, Pizza Baithak Matore, owned by Haji Raja Zafar Iqbal and Raja Haseeb Javed, was inaugurated in Matore. PML-N MPA Raja Sagheer Ahmed, along with numerous prominent political, social and business personalities, attended the opening ceremony. Guests congratulated the owners and expressed their best wishes for their success. Participants described the new venture as a positive addition to local business activities and expressed hope that it would contribute to the area’s economic growth.

کونسلر راجہ گلزار خان گلزاری کی وفاقی وزیر عبدالعلیم خان سے ملاقات، علاقائی مسائل پر تبادلہ خیال

Councillor Raja Gulzar Khan Gulzari Meets Federal Minister Abdul Aleem Khan, Discusses Regional Issues

مٹور (نمائندہ پوٹھوار ڈاٹ کوم کبیر احمد جنجوعہ،20اکتوبر2026)
معروف سیاسی و سماجی شخصیت کونسلر راجہ گلزار خان گلزاری کی وفاقی وزیر مواصلات عبدالعلیم خان سے ملاقات، علاقائی مسائل اور سیاسی امور پر تبادلہ خیال، معروف سیاسی و سماجی شخصیت کونسلر راجہ گلزار خان گلزاری کی وفاقی وزیر مواصلات عبدالعلیم خان سے ملاقات ہوئی، جس میں علاقائی مسائل، عوامی مشکلات اور ملکی و علاقائی سیاسی صورتحال پر گفتگو کی گئی۔ اس موقع پر راجہ یاسر اختر ایڈووکیٹ، کوآرڈینیٹر ٹو راجہ اسامہ اشفاق سرور ایم این اے بھی موجود تھے۔تفصیلات کے مطابق کونسلر راجہ گلزار خان گلزاری کی وفاقی وزیر مواصلات عبدالعلیم خان سے ملاقات ہوتھلہ کے رہائشی راجہ مزمل کے فرزند راجہ وقار مزمل کی شادی کی تقریب کے موقع پر ہوئی۔ اس موقع پر دونوں شخصیات کے درمیان خوشگوار ماحول میں ملاقات ہوئی اور مختلف امور پر تبادلہ خیال کیا گیا۔ ملاقات کے دوران علاقائی مسائل، عوامی فلاح و بہبود اور سیاسی صورتحال سمیت دیگر اہم امور پر گفتگو ہوئی۔ اس موقع پر راجہ گلزار خان گلزاری نے علاقائی معاملات کے حوالے سے تبادلہ خیال کیا، جبکہ شرکائے ملاقات نے باہمی روابط اور عوامی مسائل کے حل کی اہمیت پر بھی گفتگو کی۔ شادی کی تقریب میں سیاسی و سماجی شخصیات کی ملاقات کو خوشگوار اور اہم موقع قرار دیا گیا۔ اس موقع پر راجہ گلزار خان گلزاری نے راجہ مزمل کے فرزند راجہ وقار مزمل کو ازدواجی زندگی کے نئے سفر کے آغاز پر مبارکباد بھی پیش کی اور ان کے لیے نیک خواہشات کا اظہار کیا۔ تقریب خوشگوار ماحول میں منعقد ہوئی، جہاں معززین اور دیگر شخصیات نے شرکت کرکے خوشی کے اس موقع کو یادگار بنایا۔

Raja Ali Asghar Announces Three Umrah Packages in Memory of His Late Aunt

راجہ علی اصغر کا اپنی مرحومہ خالہ کے ایصالِ ثواب کے لیے تین معزز شخصیات کو عمرہ پیکج دینے کا اعلان

مٹور (نمائندہ پوٹھوار ڈاٹ کوم کبیر احمد جنجوعہ،20اکتوبر2026)
معروف سیاسی و سماجی شخصیت و اسپین بارسلونا کے ممتاز بزنس مین راجہ علی اصغر کا اپنی خالہ اماں مرحومہ کے ایصالِ ثواب کے لیے تین معزز شخصیات کو مکمل عمرہ پیکج دینے کا اعلان، دعائے چہلم کی تقریب میں مرحومہ کے بلندی درجات کے لیے خصوصی دعائیں، معروف سیاسی و سماجی شخصیت اور اسپین بارسلونا کے ممتاز بزنس مین راجہ علی اصغر نے اپنی خالہ اماں مرحومہ کے ایصالِ ثواب کے لیے تین معزز شخصیات کو مکمل عمرہ پیکج دینے کا اعلان کیا ہے۔ ان شخصیات میں پیر حماد الدین صدیقی، مولانا اقبال قریشی اور ہیڈ ماسٹر (ر) رفاقت علی شامل ہیں۔ اس اعلان کو مرحومہ کے ایصالِ ثواب اور نیکی کے جذبے سے منسوب کیا گیا ہے۔ تفصیلات کے مطابق راجہ علی اصغر کی خالہ اماں مرحومہ کی دعائے چہلم کے موقع پر ان کی مغفرت، بلندی درجات اور آخرت میں آسانیوں کے لیے خصوصی دعاؤں کا اہتمام کیا گیا۔ اس موقع پر راجہ علی اصغر کی جانب سے تین معزز شخصیات کو مکمل عمرہ پیکج فراہم کرنے کے اعلان کو بھی سراہا گیا۔ عمرہ ایک مقدس عبادت ہے اور اس سعادت کے حصول کے لیے سہولت فراہم کرنا نیکی اور خدمت کے جذبے کی عکاسی کرتا ہے۔ اعلان کے مطابق پیر حماد الدین صدیقی، مولانا اقبال قریشی اور ہیڈ ماسٹر (ر) رفاقت علی کو مکمل عمرہ پیکج دیا جائے گا، جس کے ذریعے انہیں حرمین شریفین کی حاضری اور عمرے کی سعادت حاصل کرنے کا موقع ملے گا۔ اس موقع پر تینوں معزز شخصیات نے راجہ علی اصغر کا شکریہ ادا کرتے ہوئے ان کے اس اقدام کو سراہا اور ان کی خالہ اماں مرحومہ کے ایصالِ ثواب، مغفرت اور بلندی درجات کے لیے خصوصی دعا کی۔ دعا کی گئی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے، ان کی قبر کو نور سے بھر دے اور تمام لواحقین کو صبرِ جمیل عطا فرمائے۔ راجہ علی اصغر کی جانب سے اپنی خالہ اماں مرحومہ کے ایصالِ ثواب کے لیے عمرہ پیکجز کا اعلان اس موقع پر نیکی اور دعاؤں سے جڑا ایک اہم اقدام ہے۔ اللہ تعالیٰ ان کی اس کاوش کو قبول فرمائے اور مرحومہ کے درجات بلند فرمائے۔ آمین۔

Chehlum Prayer for Late Mother of Raja Nadeem Ahmed, Raja Saeed Ahmed and Raja Talat Rameez in Bhatti

بھٹھی میں راجہ ندیم احمد، راجہ سعید احمد اور راجہ طلعت رمیض کی والدہ مرحومہ کی دعائے چہلم

مٹور (نمائندہ پوٹھوار ڈاٹ کوم کبیر احمد جنجوعہ،20اکتوبر2026)
سابق امیدوا ربرائے صوبائی اسمبلی پنجاب حلقہ پی پی سیون،سابق ناظم و چیئرمین راجہ ندیم احمد، معروف بزنس مین سیاسی وسماجی شخصیت راجہ سعید احمد (اسپین)،راجہ طلعت رمیض(اسپین)کی والدہ محترمہ، معروف بزنس مین سیاسی وسماجی شخصیت راجہ اصغر علی (اسپین) کی خالہ اماں جان، چوہدری عبدالفاروق، چوہدری نصرت اقبال (برطانیہ) اور چوہدری نوید احمد (برطانیہ) کی ہمشیرہ کے ایصالِ ثواب کے لیے دعائے چہلم، ممبران اسمبلی، سابق بلدیاتی نمائندگا ن سیاسی،سماجی اور مذہبی شخصیات سمیت ہزاروں کی تعداد میں اہلیان علاقہ کی شرکت، دعائیہ تقریب کااہتمام نواحی علاقے بھٹھی میں منعقد کی گئی، جہاں مرحومہ کی روح کے سکون اور درجات کی بلندی کے لیے ایک بہت بڑا اجتماع دیکھا گیا۔ تقریب میں پوٹھوہار بھر سے سیاسی، سماجی، مذہبی اور کاروباری شخصیات کے علاوہ ہر مکتبہ فکر سے تعلق رکھنے والے معززین نے بہت بڑی تعداد میں شرکت کی۔ جس میں سابق MNAو سابق ضلعی ناظم راجہ جاوید اخلاص،مسلم لیگMPA راجہ صغیر احمد،مسلم لیگ ن رہنماء سابق چیئرمین چوہدری صداقت حسین،بزرگ سیاسی وسماجی شخصیت راجہ محمد جاوید آف سکوٹ،سابق وائس چیئرمین چوہدری شاہد اکبر گجر،محمد ظریف راجاممبر سنسر بورڈ حکومت پاکستان،راجہ ذوالفقار ساجد،بیرسٹراحمدصغیر راجہ امیدوار برائے صوبائی اسمبلی پنجاب حلقہ پی پی سیون، سابق ناظم حاجی غلام ظہیر،سابق چیئرمین راجہ پرویز اختر قادری،سابق چیئرمین یوسی نارہ چوہدری محمد یونس،سابق چیئرمین راجہ صفدر کیانی،راجہ عرفان سرور امیدار برائے چیئرمین یوسی مٹور،ماسٹر چوہدری ارشد محمود،راجہ بابو ظفر اقبال،کونسلر راجہ عباس پپو،کیانی ظفر اقبال، راجہ تبسم جنجوعہ بگلہ رجگان،ساہیں امجد دھمالی،عاطف اعجاز بٹ،چوہدری محمد رضوان گجر،سابق ممبر ایم سی کلر سیداں عابد زاہدی،ماہر تعلیم ارشد محمود بھٹی،شیخ حسن سرائیکی،چوہدری توقیر اسلم،شیخ توقیر احمد،خان محمد شبیر خان،چوہدری نورانی الصفہ،ممتاز شعرخواں راجہ عابد،محمد منیر بھٹی یو کے،راجہ افتخار پکھڑال،شہزاد مالک مغل،تنویر شیرازی،سردار محمد اخلاق،سمیت حاضرینِ مجلس میں شامل اہم شخصیات یہ تھیں۔علاقے کے نامور سیاسی و سماجی رہنما اور بلدیاتی نمائندے۔برطانیہ، اسپین اور دیگر ممالک سے آئے ہوئے اوورسیز پاکستانیوں کی بڑی تعداد اورمعززینِ علاقہ، کاروباری شخصیات اور تمام مکتبہ فکر کے سرکردہ افراد۔ مرحومہ و مغفورہ کے بیٹوں راجہ سعید احمد، راجہ ندیم احمد، راجہ طلعت رمیض، راجہ علی اصغر سے تعزیت کا سلسلہ دن بھر جاری رہا۔ تقریب میں شریک معززین نے سوگوار خاندان سے گہرے دکھ اور افسوس کا اظہار کرتے ہوئے کہا کہ ماں جیسی عظیم ہستی کا دنیا سے رخصت ہو جانا ایک ناقابلِ تلافی نقصان ہے۔ تقریب کا آغاز تلاوتِ کلامِ پاک اور ہدیہ نعت سے ہوا،نقابت کے فرائض حافظ محمد سبیل چشتی نے ادا کئے۔ جس کے بعد مقررین علامہ مولانا محمد اقبال قریشی،پیر عماد الدین نقشبندی،سیفی نے ماں کی عظمت اور اسلامی تعلیمات میں ان کے مقام پر روشنی ڈالی۔ تقریب کے اختتام پر مرحومہ و مغفورہ کے درجات کی بلندی، مغفرت اور جوارِ رحمت میں اعلیٰ مقام کے لیے رقت آمیز اجتماعی دعا کی گئی۔ اللہ تعالیٰ سے دعا کی گئی کہ وہ پسماندگان (راجہ سعید احمد، راجہ ندیم احمد، راجہ طلعت رمیض،راجہ علی اصغر اور دیگر لواحقین) کو اس گہرے صدمے کو برداشت کرنے کے لیے صبرِ جمیل عطا فرمائے اس موقع پر سوگوار خاندان نے تمام آنے والے مہمانوں اور معززین کا شکریہ ادا کیا جنہوں نے دکھ کی اس گھڑی میں ان کا ساتھ دیا۔