Kahuta; Husband and Wife Killed as Motorcycle Plunges into Ravine

مٹور (نمائندہ پوٹھوار ڈاٹ کوم کبیر احمد جنجوعہ،19اکتوبر2026)
ر اولپنڈی سے کہوٹہ (پنج پیر راکس)سیر و تفریح کیلئے میاں بیوی موٹر سائیکل گہری کھائی میں گرنے سے جاں بحق، ریسکیو ٹیم نے دونوں میتوں کو تحصیل ہیڈ کوارٹر (ٹی ایچ کیو ہسپتال کہوٹہ منتقل کر دیا تفصیل کے مطابق تھانہ کہوٹہ کے علاقہ کھوئیاں میں موٹر سائیکل گہری کھائی میں گرنے سے میاں بیوی جاں بحق ہو گئے۔ پولیس ذرائع نے ممیڈیا کو بتایا کہ سید مبارک حسن ولد سید زاہد حسین اپنی اہلیہ اور دیگر عزیز درشتہ داروں کے ہمراہ پنچ پیر را کس پر سیر و تفریح کے لئے آئے ہوئے تھے۔ واپسی پر شام تقریباً چار بجے سید مبارک حسن اور ان کی اہلیہ موٹر سائیکل پر راولپنڈی جارہے تھے کہ کھوئیاں کے مقام پر ان کا موٹر سائیکل حادثے کا شکار ہو گیا اور دونوں گہری کھائی میں جا کرے۔ حادثے میں جاں بحق ہونے والے میاں بیوی کے کزن سید ضمیر الحسن کے مطابق واپسی کے وقت دونوں ان سے پہلے روانہ ہو گئے تھے۔ بعد ازاں انہوں نے متعدد مرتبہ ان کے موبائل فونز پر رابطہ کرنے کی کوشش کی، تاہم کوئی جواب موصول نہ ہوا۔ اس پر انہوں نے پولیس ایمر جنسی نمبر پر کال کی۔ سید ضمیر الحسن کے مطابق اطلاع کے بعد اہل خانہ اور دیگر افراد نے کافی دیر تک دونوں کی تلاش جاری رکھی، جس کے بعد وہ ایک گہری کھائی میں مردہ حالت میں ملے۔ ریسکیو ٹیم نے دونوں میتوں کو تحصیل ہیڈ کوارٹر (ٹی ایچ کیو ہسپتال کہوٹہ منتقل کر دیا۔

MATORE ( Pothwar.com, Kabir Ahmed Janjua, October 19, 2026): A husband and wife from Rawalpindi were killed when their motorcycle plunged into a deep ravine in the Khoiyan area of Kahuta while returning from a recreational trip to the scenic Panj Peer Rocks.

According to police sources, Syed Mubarak Hassan, son of Syed Zahid Hussain, had visited Panj Peer Rocks with his wife and other relatives for sightseeing. At around 4:00 pm, the couple was travelling back to Rawalpindi on a motorcycle when the accident occurred near Khoiyan, within the jurisdiction of Kahuta Police Station.

According to the deceased man’s cousin, Syed Zameer-ul-Hassan, the couple had left ahead of the other family members on their return journey. When repeated attempts to contact them by mobile phone went unanswered, the family became concerned and contacted the police emergency helpline.

Following the report, family members and others searched for the couple for an extended period. They were eventually found dead in a deep ravine.

Rescue personnel recovered the bodies and shifted them to the Tehsil Headquarters (THQ) Hospital in Kahuta.

The tragic incident has left the family mourning the loss of the couple.

کہوٹہ میں بکروالوں کے ریوڑوں سے جنگلات کو نقصان پہنچنے کا خدشہ

Concerns Grow Over Forest Damage by Livestock Herds in Kahuta

مٹور (نمائندہ پوٹھوار ڈاٹ کوم کبیر احمد جنجوعہ،19اکتوبر2026)
کہوٹہ انتظامیہ، محکمہ جنگلات اور محکمہ گزارہ کی مبینہ غفلت، پہاڑوں سے آنے والے بکروالوں کے ریوڑوں نے جنگلات کو نقصان پہنچانا شروع کر دیاتفصیل کے مطابق کہوٹہ شہر اور گردونواح کے علاقوں میں پہاڑوں سے آنے والے بکروالوں کی بھیڑ بکریوں کے بڑے بڑے ریوڑوں کی وجہ سے جنگلات کو نقصان پہنچنے کے خدشات سامنے آنے لگے ہیں۔ مقامی سطح پر اس صورتحال کے حوالے سے محکمہ جنگلات، محکمہ گزارہ اور متعلقہ انتظامیہ کی کارکردگی پر سوالات اٹھائے جا رہے ہیں۔علاقہ مکینوں کے مطابق بھیڑ بکریوں کے ریوڑ جنگلات میں داخل ہو کر درختوں کے پودوں، قدرتی نباتات اور نئی کونپلوں کو نقصان پہنچا سکتے ہیں، جس سے جنگلات کی قدرتی افزائش متاثر ہونے کا خدشہ ہے۔ جنگلات قدرتی ماحول کے تحفظ، بارشوں کے نظام، زمین کے کٹاؤ کی روک تھام اور علاقے کی خوبصورتی برقرار رکھنے میں اہم کردار ادا کرتے ہیں، اس لیے ان کا تحفظ وقت کی اہم ضرورت ہے۔عوامی حلقوں نے متعلقہ حکام سے مطالبہ کیا ہے کہ جنگلات میں مویشیوں کی غیر ضروری نقل و حرکت کی نگرانی کی جائے، جنگلات کے تحفظ کے لیے موجودہ قوانین پر عمل درآمد یقینی بنایا جائے اور جہاں خلاف ورزی ثابت ہو وہاں قانون کے مطابق کارروائی کی جائے۔اہل علاقہ نے کہوٹہ انتظامیہ، محکمہ جنگلات اور محکمہ گزارہ کے اعلیٰ حکام سے اپیل کی ہے کہ وہ اس معاملے کا فوری نوٹس لیں، موقع پر صورت حال کا جائزہ لیں اور جنگلات کو ممکنہ نقصان سے بچانے کے لیے مؤثر اقدامات کریں، تاکہ علاقے کے قدرتی وسائل اور سرسبز ماحول کا تحفظ یقینی بنایا جا سکے۔

Raja Ghazanfar Ali Returns Home, Condolences Continue Over Son and Brother’s Deaths

راجہ غضنفر علی وطن واپس پہنچ گئے، بیٹے اور بھائی کی وفات پر تعزیتی ملاقاتیں جاری

مٹور (نمائندہ پوٹھوار ڈاٹ کوم کبیر احمد جنجوعہ،19اکتوبر2026)
بزرگ سیاسی و سماجی شخصیت راجہ غضنفر علی آف چک مرزا، حال مقیم چشم یو کے، وطن واپس پہنچ گئے،بھائی اور بیٹے کی وفات پر تعزیت کے لیے ملاقاتوں کا سلسلہ جاری تفصیل کے مطابق بزرگ سیاسی و سماجی شخصیت راجہ غضنفر علی آف چک مرزا، حال مقیم چشم یو کے، کی وطن آمد پر عزیز و اقارب، دوست احباب اور معززین علاقہ کی جانب سے ان سے ملاقاتوں کا سلسلہ جاری ہے۔ اس موقع پر ایڈیشنل جنرل سیکرٹری پریس کلب کہوٹہ کبیر احمد جنجوعہ سمیت مختلف شعبہ ہائے زندگی سے تعلق رکھنے والی شخصیات نے راجہ غضنفر علی کی رہائش گاہ پر ان سے ملاقات کی اور ان کے صاحبزادے اور بڑے بھائی کی وفات پر گہرے دکھ اور افسوس کا اظہار کرتے ہوئے مرحومین کے ایصالِ ثواب کے لیے فاتحہ خوانی کی۔ملاقات کے دوران شرکائے تعزیت نے راجہ غضنفر علی سے دلی ہمدردی اور تعزیت کا اظہار کرتے ہوئے کہا کہ اولاد اور بھائی کی جدائی ایک بڑا صدمہ ہے، جسے برداشت کرنا انتہائی مشکل ہوتا ہے۔ انہوں نے دعا کی کہ اللہ تعالیٰ مرحومین کو اپنے جوارِ رحمت میں اعلیٰ مقام عطا فرمائے، ان کی مغفرت فرمائے اور جنت الفردوس میں جگہ نصیب کرے، جبکہ سوگوار خاندان کو یہ صدمہ برداشت کرنے کے لیے صبرِ جمیل عطا فرمائے۔اس موقع پر راجہ غضنفر علی نے تعزیت کے لیے آنے والے تمام دوست احباب، عزیز و اقارب اور معززین علاقہ کا شکریہ ادا کیا۔ انہوں نے کہا کہ دکھ اور غم کی اس گھڑی میں احباب کی آمد، ہمدردی اور دعاؤں سے اہل خانہ کو حوصلہ ملتا ہے۔راجہ غضنفر علی کی وطن آمد پر ان سے ملاقاتوں اور تعزیت کا یہ سلسلہ جاری ہے، جبکہ اہل علاقہ اور دوست احباب کی جانب سے مرحومین کے لیے دعائے مغفرت اور لواحقین کے لیے صبر و استقامت کی دعائیں کی جا رہی ہیں۔ اللہ تعالیٰ مرحومین کو کروٹ کروٹ جنت نصیب فرمائے اور تمام پسماندگان کو صبرِ جمیل عطا فرمائے۔ آمین۔

Rs400 Million Allocated for Banail Road Project, Chaudhry Sadaqat Hussain Thanks Punjab Leadership

بنائل روڈ کی تعمیر کے لیے 40 کروڑ روپے کی گرانٹ، چوہدری صداقت حسین کا حکومتی قیادت سے اظہارِ تشکر

مٹور (نمائندہ پوٹھوار ڈاٹ کوم کبیر احمد جنجوعہ،19اکتوبر2026)
بنائل روڈ کی تعمیر عوام علاقہ کے لیے ایک بڑا تحفہ ہے، 40 کروڑ روپے کی گرانٹ کے اجرا اورابتدائی کام کے آغاز پر وزیراعلیٰ پنجاب مریم نواز شریف، ایم این اے راجہ اسامہ اشفاق سرور اور ایم پی اے راجہ صغیر احمد کے شکر گزار ہیں،تفصیل کے مطابق چوہدری صداقت حسین مسلم لیگ (ن) حلقہ پی پی سیون کی معروف سیاسی و سماجی شخصیت اور سابق چیئرمین چوہدری صداقت حسین نے اپنے ایک بیان میں کہا ہے کہ وزیراعلیٰ پنجاب مریم نواز شریف کی جانب سے شروع کیے گئے ترقیاتی منصوبوں کے باعث صوبے میں تعمیر و ترقی کے نئے مواقع پیدا ہو رہے ہیں۔ انہوں نے کہا کہ علاقے کی تعمیر و ترقی اور عوام کو بنیادی سہولیات کی فراہمی وقت کی اہم ضرورت ہے، جبکہ سڑکوں کی تعمیر و مرمت سے نہ صرف آمدورفت میں آسانی پیدا ہوتی ہے بلکہ مقامی آبادی کو بھی براہِ راست فائدہ پہنچتا ہے۔چوہدری صداقت حسین نے کہا کہ بنائل روڈ کی تعمیر کا منصوبہ عوام علاقہ کے لیے ایک بہت بڑا تحفہ ہے جس کی تکمیل سے اہل علاقہ کو درپیش سفری مشکلات میں کمی آئے گی اور روزمرہ آمدورفت مزید آسان ہو سکے گی۔ انہوں نے کہا کہ اس اہم منصوبے کے لیے 40 کروڑ روپے کی گرانٹ جاری کرنا اور ابتدائی کام کا آغاز ہونا علاقے کے عوام کے لیے خوش آئند ہے۔ اس منصوبے کی تکمیل سے مقامی آبادی، طلبہ، ملازمین، تاجروں اور دیگر مسافروں کو بہتر سفری سہولیات میسر آنے کی توقع ہے۔انہوں نے کہا کہ بنائل روڈ کی تعمیر عرصہ دراز سے عوام علاقہ کی اہم ضرورت رہی ہے اور اس منصوبے کی پیش رفت سے لوگوں میں امید پیدا ہوئی ہے کہ انہیں آمدورفت کے حوالے سے درپیش مشکلات سے نجات ملے گی۔ بہتر سڑکیں کسی بھی علاقے کی معاشی اور سماجی ترقی میں اہم کردار ادا کرتی ہیں، کیونکہ ان سے شہریوں کو تعلیمی اداروں، کاروباری مراکز، ہسپتالوں اور دیگر ضروری مقامات تک رسائی میں سہولت ملتی ہے۔سابق چیئرمین چوہدری صداقت حسین نے بنائل روڈ منصوبے کے لیے 40 کروڑ روپے کی گرانٹ جاری کرنے اور ابتدائی کام شروع کرانے پر وزیراعلیٰ پنجاب مریم نواز شریف، ممبر قومی اسمبلی راجہ اسامہ اشفاق سرور اور ممبر صوبائی اسمبلی راجہ صغیر احمد کا شکریہ ادا کرتے ہوئے کہا کہ عوامی مسائل کا حل اور بنیادی سہولیات کی فراہمی منتخب نمائندوں کی اہم ذمہ داری ہے۔ انہوں نے امید ظاہر کی کہ منصوبے پر کام تسلسل کے ساتھ جاری رہے گا اور اسے مقررہ معیار کے مطابق مکمل کیا جائے گا تاکہ عوام اس کے ثمرات سے مستفید ہو سکیں۔چوہدری صداقت حسین نے مزید کہا کہ علاقے کی ترقی کے لیے ایسے منصوبوں کی اشد ضرورت ہے اور عوام کی توقع ہے کہ مستقبل میں بھی حلقہ پی پی سیون میں ترقیاتی کاموں کا سلسلہ جاری رہے گا، تاکہ دیہی علاقوں کے عوام کو بہتر سفری سہولیات فراہم ہوں اور ان کے دیرینہ مسائل حل کیے جا سکیں۔