23 September 2026DailyNewsHeadlineKallar SyedanPothwar.com 
Kallar Syedan: Jamaat-e-Islami Postpones Long March, Sit-Ins to Continue
جماعتِ اسلامی کا لانگ مارچ مؤخر کرنے کا فیصلہ، 'دھرنے جاری رہیں گے
کلر سیداں (پوٹھوار ڈاٹ کام — اکرام الحق قریشی |23 ستمبر 2026)—عوام اس وقت مہنگائی کی آگ میں جل رہے ہیں، جماعت اسلامی پیٹرولیم لیوی کے خلاف مسلسل جدوجہد جاری رکھے گی: حافظ نعیم الرحمان
جماعتِ اسلامی نے وزیراعظم شہباز شریف کی درخواست پر سُپر لانگ مارچ کو عارضی بریک لگا دی ہے، جبکہ وزیراعظم سے ملاقات تک احتجاجی دھرنے اور کیمپ جاری رہیں گے۔
ذرائع کے مطابق، جماعتِ اسلامی نے وزیر اعظم کی درخواست پر لانگ مارچ اکتوبر کے پہلے ہفتے تک مؤخر کرنے کا فیصلہ کیا ہے۔ امیرِ جماعتِ اسلامی حافظ نعیم کی قیادت میں کراچی سے نکلنے والے مارچ نے ملتان میں پڑاؤ ڈال رکھا ہے۔
ملتان پہنچنے پر حافظ نعیم الرحمان نے پریس کانفرنس کرتے ہوئے کہا تھا کہ عوام کے حقوق اور مہنگائی کے خلاف احتجاج اور لانگ مارچ سے پیچھے نہیں ہٹیں گے، تاہم وزیراعظم کی جانب سے دھرنا مؤخر کرنے کی تجویز کا خیر مقدم کرتے ہوئے اس پر غور کیا جا رہا ہے۔
حافظ نعیم کا کہنا تھا کہ جماعت اسلامی اپنے مطالبات سے دستبردار نہیں ہوگی اور حکومت سے تحریری یقین دہانی حاصل کی جائے گی۔ ان کے مطابق محض ٹال مٹول کی پالیسی قبول نہیں کی جائے گی۔
وفاقی وزیرِ اطلاعات عطاء اللہ تارڑ نے منگل کو پریس کانفرنس کرتے ہوئے کہا کہ امیر جماعتِ اسلامی حافظ نعیم نے لانگ مارچ مؤخر کرنے پر مشاورت کا کہا ہے۔ وزیراعظم کی نیویارک سے واپسی پر جماعتِ اسلامی کا وفد ملاقات کرے گا۔
جماعتِ اسلامی نے پیٹرولیم لیوی کے خلاف احتجاج کے پہلے مرحلے میں ملک بھر میں دھرنے دیے تھے، اور دوسرے مرحلے میں لانگ مارچ کا اعلان کیا تھا۔ احتجاج کے دوسرے مرحلے میں جماعتِ اسلامی کے کارکنوں کی بڑی تعداد بزریعہ ٹرین ملتان پہنچ چکی ہے، جہاں سے انہیں بزریعہ سڑک اسلام آباد جانا تھا۔
27 ستمبر کو دارالحکومت میں جماعت اسلامی، پاکستان تحریکِ انصاف اور کسان اتحاد کے احتجاج کے پیشِ نظر شہر میں سیکیورٹی سخت کردی گئی ہے اور دارالحکومت میں کنٹینرز لگا دیے گئے ہیں۔
امیر جماعت اسلامی نے اسلام آباد میں کنٹینرز لگائے جانے پر کہا تھا کہ ’ہمیں کوئی کنٹینرز نہیں روک سکتے‘۔
انہوں پیٹرولیم لیوی پر تنقید کرتے ہوئے کہا تھا کہ عوام مہنگائی کی آگ میں جل رہے ہیں اور جماعت اسلامی پیٹرولیم لیوی کے خلاف مسلسل جدوجہد کر رہی ہے۔
انہوں نے حکومت پر تنقید کرتے ہوئے کہا تھا کہ صرف ٹیکس وصول کرکے اپنی نااہلی نہیں چھپائی جاسکتی، جبکہ حکومتی ریلیف پیکیج بھی عوام کے لیے ناکافی ثابت ہوا ہے۔
حافظ نعیم کے مطابق، جماعت اسلامی کا کوئی ذاتی ایجنڈا نہیں، وہ بلا تفریق عوام کے بنیادی مسائل کے لیے آواز اٹھا رہی ہے۔
انہوں نے بتایا کہ حکومت کے ساتھ مذاکرات کے پانچ ادوار ہوچکے ہیں اور جماعت اسلامی 20 ستمبر سے مارچ کے ساتھ سڑکوں پر موجود ہے۔ اپنے حق کے لیے 10 ماہ بھی سڑکوں پر بیٹھ سکتے ہیں، اگر صورتحال خراب ہوئی تو اس کی تمام تر ذمہ داری حکومت پر عائد ہوگی۔
انہوں نے مزید کہا کہ جماعت اسلامی کے پاس اکتوبر کا پہلا ہفتہ بھی احتجاج کے لیے موجود ہے۔ پی ٹی آئی کے 27 ستمبر کے احتجاج کے حوالے سے حافظ نعیم الرحمان نے کہا کہ اسے بھی آئینی اور جمہوری حق حاصل ہے، جبکہ جماعت اسلامی کسی بھی سیاسی کریک ڈاؤن کی مذمت کرتی ہے۔
وزیراعظم نے گفتگو کے دوران کہا کہ مشکل حالات میں عوام کو ریلیف فراہم کیا جا رہا ہے اور جس قدر ممکن ہوا عوام کو ریلیف کی فراہمی کا سلسلہ جاری رکھا جائے گا۔
Kallar Syedan (Pothwar.com — Ikram-ul-Haq Qureshi, September 23, 2026): Jamaat-e-Islami has temporarily postponed its “Super Long March” on Prime Minister Shehbaz Sharif’s request, while protest camps and sit-ins will continue until a meeting with the premier.
Jamaat-e-Islami chief Hafiz Naeemur Rehman said the party would not withdraw its demands and would continue its campaign against inflation and the petroleum levy. He said the party would seek written assurances from the government.
The march, which started from Karachi, has reached Multan, where participants are currently stationed. The government says a Jamaat-e-Islami delegation will meet the prime minister after his return from New York.
Hafiz Naeem said the party would consider postponing the march until the first week of October but would not accept delaying tactics. He also said the party supported the constitutional right to peaceful protest and opposed political crackdowns.
Security has meanwhile been tightened in Islamabad ahead of protests planned for September 27, with containers placed at several locations.
