Kallar Syedan: Al-Sabir Welfare Foundation Distributes Modern Carts to Workers

کلر سیداں (پوٹھوار ڈاٹ کام — اکرام الحق قریشی | 07 اپریل 2026)—قیام پاکستان کے بعد پہلا موقع ہے کہ اب تقریبا ہر روز ملک بھر میں کوئی نہ کوئی ٹرین ڈی ریل ہو جاتی ہے یہ صورتحال دنیا بھر میں جہاں جہاں ریلوے کا نظام موجود ہے یہ ان میں سے انتہائی درجے کی مایوس کن ہے پاکستان دنیا بھر کا منفرد ملک ہے جس کی ٹرینیں گزشتہ چند برسوں سے ڈی ریل ہو رہی ہے اب ان حادثات میں حیران کن اضافہ ہو چکا ہے گزشتہ چند ایام میں ہر روز کوئی نہ کوئی ٹرین یا اس کی کچھ بوگیاں پٹڑی سے اتر جاتی ہیں جس سے نہ صرف پشاور سے کراچی مین ریلوے لائن پر چلنے والی تمام ٹرینیں مختلف اسٹیشنوں پر گھنٹوں روک لی جاتی ہیں بلکہ ان حادثات سے پاکستان ریلوے کو بھاری مالی نقصان بھی ہوتا یے اور مسلسل حادثات سے ریلوے کا سفر غیر محفوظ ہوتا چلا جا رہا ہے وزارت ریلوے اور وفاقی وزیر محض الفاظی سے شلغموں سے مٹی اتارنے کی کوشش کرتے ہیں ان حادثات کی سب سے بڑی وجہ مین لائن ون پر انگریز کے دور میں بچھائی گئی پٹڑیاں ہیں جو کئی دھائیوں قبل اپنی طبعی عمر پوری کر چکے ہیں ہم نے ریلوے پر کوئی توجہ ہی نہ دی یہی وجہ ہے آج کل کوئی بھی ایکسپریس ٹرین اپنے مقررہ اوقات میں منزل مقصود پر نہیں پہنچ پاتی ہم نے برسوں سے قوم کو یہ مژدہ سنا رکھا ہے کہ ایم ایل ون سی پیک کے معاہدوں میں سے ایک ہے جسے چین مکمل طور پر اپگریڈ کرے گا مگر برسوں سے اس پر کوئی عملی پیشرفت نہ ہو سکی اور ریلوے نے پٹڑیوں کی بجائے بھاری رقوم سے ملک کے بڑے اسٹیشنوں کی جدید خطوط پر نئی عمارات تعمیر کر لیں جبکہ پرانی عمارتوں سے مزید دس بیس برس کام چلایا جا سکتا تھا اصل ضرورت ریلوے کی بحالی کے لیئے اس کی پٹڑیوں کی بحالی تھی جس پر مناسب توجہ نہ دی گئی جس کی باعث ملک بھر کی درجن سے قریب مسافر ٹرینیں بند پڑی ہیں کوچز کی پاکستان ریلوے کو پہلے ہی کمی کا سامنا تھا اب روزمرہ کے ٹرین حادثات میں بچھی کچھ بوگیاں بھی تباہی کا شکار ہو رہی ہیں کئی ٹرینیں دو سے تین بوگیوں پر مشتمل ہو چکی ہیں کئی ٹرینیں برسوں سے بند پڑی ہیں ان حادثات کے علاؤہ بھی کمزور اور بوسیدہ پٹڑیوں کی وجہ سے گاڑیاں مسلسل تاخیر کا شکار ہوتی ہیں مسافروں کو گاڑیوں کی چھتوں پر بھی سفر کرنا پڑتا ہے ملک کی لگژری ٹرین گرین لائن میں بھی اب پرانی کوچیز ڈال دی جاتی ہیں اب جو گنتی کی ٹرینیں چل رہی ہیں اب میں لگی بوگیوں کی حالت انتہائی ابتر اور ریلوے کے لیئے باعث شرمندگی ہے کیریج فیکٹری اسلام آباد کی موجودگی میں کوچز کی کمی وزارت ریلوے کی کارکردگی پر سوالیہ نشان ہے وزیراعظم شہباز شریف کو بلاتاخیر ریلوے کی صورتحال کا نوٹس لینا چاہیے اور نظام کہ بہتری کے لیئے کسی وزیر کی بجائے خواجہ سعد رفیق سے مشاورت کرنی چاہیے۔