Kallar Syedan: Unique Tribute to the Holy Quran: Young Hafiz Rewarded with Motorcycle and Gifts

کلر سیداں (پوٹھوار ڈاٹ کام — اکرام الحق قریشی | 18 مارچ 2026)—کلرسیداں کے سماجی حلقوں کا قرآن کریم سے محبت کا بہترین انداز پندرہ سالہ حافظ کفایت اللہ کو نماز تراویح میں قرآن کریم بغیر غلطی کے سنانے پر ھنڈا 70 زیرو میٹر اور قیمتی تحائف دے کر قرآن کریم سے محبت کا اظہار کیا دارالعلوم جامعہ ربانیہ و دارلسلام ایجوکیشنل انسٹیٹیوٹ سٹی کلرسیداں کے پرنسپل کے مولانا احسان اللہ چکیالوی کے ہونہار فرزند حافظ کفایت اللہ نے نماز تراویح میں قرآن کریم عربی کے مختلف لہجوں اور خوبصورت انداز کیساتھ بغیر غلطی کے سنانے پر یادگار اسلاف جمعیت علماء برطانیہ و دارالعلوم جامعہ ربانیہ کے سرپرست اعلیٰ مولانا عبد الرشید ربانی اورسماجی حلقوں کی طرف سے ھنڈا سی ڈی 70 زیرومیٹر اور قیمتی تحائف پیش کرکے قرآن کریم سے محبت کا اظہار کیا۔تقریب میں قاری حماد اللہ،چوھدری زین العابدین عباس،راجہ ظفر محمود،مسعود احمد بھٹی،حاجی محمد اسحاق،ملک فیاض سندھو،خان امجد خان، اکرام الحق قریشی، جاوید اقبال،محمد وحید،حافظ عنایت اللہ چکیالوی،قاری محمد اعجاز و دیگر کے ھاتھوں حافظ کفایت اللہ کو تحائف پیش کئے گئے۔

کلر سیداں (پوٹھوار ڈاٹ کام — اکرام الحق قریشی | 18 مارچ 2026)—جماعت اسلامی ضلع راولپنڈی کے جنرل سیکرٹری عثمان آکاش نے کہا ہے اللہ تعالیٰ انسان کو رمضان المبارک کے دوران سیاسی معاشی انقلاب کے لیے تیار کرنا چاہتا ہے وہ چاہتا ہے کہ مسلمان اس مہینہ میں اپنا کڑا احتساب کریں اور خود کو ہمارے احکامات کے مکمل تابع کریں ان خیالات کا اظہار انہوں نے جامعہ مسجد قرطبہ کلرسیداں میں افطار ڈنر سے خطاب کرتے ہوئے کیا اس موقع پر الخدمت فاؤنڈیشن کے صدر توقیر اعوان،قاسم الحق،ضمیر الرحمان،حاجی ریاست حسین،راجہ محمد اسرار ایڈووکیٹ، عبدالحلیم ایڈووکیٹ،شیخ حسن سرائیکی،عابد زاھدی بھی موجود تھے عثمان آکاش نے کہا کہ ہم پورا ماہ صیام مساجد میں گزار دیں اللہ اللہ کریں دنیا سے لاتعلق ہو جائیں اگر ہم اس مہینہ میں اپنا کڑا احتساب نہیں کرتے تو ہماری یہ عبادتیں محض رسمی اور عادتاً قرار پائیں گے یہ قبولیت کا درجہ شاید نہ پا سکیں کیونکہ اللہ کو ہمارے بھوکے پیاسے رہنے سے کوئی غرض نہیں وہ رمضان کی صورت میں ہماری زندگیوں میں کڑے احتساب اور خود کو قرآن سے عملا جوڑنے کا خواہاں ہے۔اللہ نے رمضان کی شکل میں ہمیں اپنی زندگیوں کا جائزہ لینے کا موقع بخشا ہے تاکہ ہم اپنا کڑا احتساب کریں اپنی خامیوں کمزوریوں کو دور کریں اور خود کو اللہ تعالیٰ کا حقیقی بندہ ثابت کریں کیونکہ کامیاب کاروباری بھی وہی ہوتا ہے جو سال بھر کے معاملات کا جائزہ لے اور اس جائزہ کا مقصد ہماری اپنی اصلاح احوال ہونا چاہیے جو لوگ اپنا کڑا احتساب کرتے ہیں روزوں نمازوں اور قیام اللیل کا اہتمام کرتے ہیں اور اپنے اعمال ایمان و احتساب کرتے ہیں تو اللہ انسان کی خطاؤں کو معاف کر کے ان پر پردہ ڈال دیتا یے۔ورنہ ہمارا بھوکا پیاسا رہنا ہمارے کسی کام نہ آئے گا جو صرف بھوکا پیاسا رہنے کو ہی کامیابی سمجھتا ہے وہ جان لے کہ
بھوکا پیاسا رہنے کا عادی تو کو سکتا ہے اللہ کا عبادت گزار بندہ نہیں ہو سکتا۔انہوں نے کہا کہ انسان کو جنت کا وارث بننے کے لیے اپنی عملی زندگیوں میں اسلام کا نفاذ کرنا ہوتا ہے ہماری اسلام ہماری ساری نجی معاشرتی معاملات میں بھی نظر آنا چاہیے انہوں نے زور دیا کہ مسلمان خود کو نماز روزہ کا عادی نہ بنائیں روزے تو عیسائی یہودی بھی رکھتے ہیں ہماری زمہ داری یہ ہے کہ ہم اس مہینہ میں آپ کو کوتاہیوں خرابیوں کا بغور جائزہ لیں اپنی زندگیاں صرف قرآنی تعلیمات کے عین مطابق ڈھالیں انہوں نے کہا کہ نبی کی سیرت صرف نماز روزے مسجد تک محدود نہیں یہ زندگی کے تمام پہلوؤں ہر احاطہ کرتی ہے اگر ہم نے بھی یہودیوں کی رح اس کی تعلیمات کو پش پشت ڈال دیا تو ذلت کی زندگی ہمارا مقدر بن جائے گی۔
ہم مسجد کو آباد کرتے ہیں نمازیں پڑھتے روزے رکھتے ہیں مگر ہماری عملی زندگیاں اسلام سے انحراف کرتی دکھائی دیتی ہیں اسلام جنت دوزخ قبر حشر کا ہی نام نہیں بلکہ یہ سیاسی معاشی انقلاب کا ہے
انہوں نے کہا کہ قرآن پڑتے ہیں سمجھتے نہیں اقوام عالم کے غدود و زوال کی اسباب سے سبق نہیں سیکھتے
لہذہ امت رمضان کو اپنے احتساب کا اجتماعی موقع جانے،اپنے ایمان کا جائزہ لیں کیونکہ احتساب کے بغیر ایمان کی کوئی حیثیت نہیں ہے
ہر مسلمان ایمانیات کی بنیاد پر اپنا احتساب کرے اپنے گناہوں سے توبہ کرکے شرمندگی کا اظہار کرے تو اللہ اس کے عیبوں پر پردہ ڈال کر اسے نجات دے کر دنیا و آخرت میں اس کے درجات بلند کرے گا لہذہ اب بھی وقت ہے کہ ہم سب اللہ سے رجوع کرلیں اجتماعی طور پر اپنا احتساب کریں اور
قرآن جس نظام زندگی کی جانب ہماری رہنمائی کرتا ہے ہم اسی پر کار بند ہو جائیں تو اج بھی دنیا میں ہم سرخرو ہو سکتے ہیں۔ قرآن کا معاشی نظام ہی حقیقی نظام ہے قرآن اصولوں کی کتاب ہے جس نے نتائج بھی بیان کر دیے اللہ زکوٰۃ دینے والوں کو پسند کرتا ہے مصلے کی عبادت کافی نہیں ہمیں درپیش چیلنجوں کا مقابلہ کرنے کے لیے اپنی زندگیوں قرآن کے مطابق ڈھالنا ہوں گی روزہ سیاسی معاشی انقلاب کی لیے تیار کرتا ہے۔

Crackdown on Price Hike Violations in Kallar Syedan

کلر سیداں میں گرانفروشوں کے خلاف کارروائی

کلر سیداں (پوٹھوار ڈاٹ کام — اکرام الحق قریشی | 18 مارچ 2026)— اسسٹنٹ کمشنر کلرسیداں شبانہ نذیر نے کلرسیداں میں گرانفروشوں کیخلاف کارروائی کے دوران مہنگے داموں اشیائے خوردونوش فروخت کرنے پر متعدد دکانداروں کو مجموعی طور پر پچیس ہزار روپے بطور جرمانہ وصول کر کے سرکاری خزانے میں جمع کروا دیا

Former UC Nazim Chaudhry Muhammad Shafaat Passes Away, Funeral Prayer Held in Channam

سابق ناظم چوہدری محمد شفاعت انتقال کر گئے، نماز جنازہ چنام میں ادا

کلر سیداں (پوٹھوار ڈاٹ کام — اکرام الحق قریشی | 18 مارچ 2026)—سابق ناظم یوسی غزن اباد چوہدری محمد شفاعت انتقال کر گئے نماز جنازہ گاؤں چنام میں ادا کی جائے گئی جس میں حافظ سہیل اشرف ملک،مولانا احسان اللہ چکیالوی،محمد زبیر کیانی،مناظر اقبال جنجوعہ،طارق کیانی،ظفر عباس مغل،ماسٹر عبدالمجید،سید مداح حسین شاہ،آصف حبیب،ماسٹر عبدالمجید، عثمان یوسفزئی،شیخ سلیمان شمسی،راجہ ارسلان جنجوعہ،چوہدری زین العابدین عباس،شیخ شعور قدوس،شیخ عظیم اکرم،نمبردار امیر افضل،چوہدری واجد،امیر امجد و دیگر نے شرکت کی۔