Gujar Khan: “Political Shift in Gujar Khan: PPP Restricted to One Dynasty, by Muhammad Najeeb Jarral”

گوجرخان(نمائندہ پوٹھوار ڈاٹ کوم,محمد نجیب جرال, 07 جنوری2024ء)—تحصیل گوجرخان میں پاکستان پیپلز پارٹی ایک خاندان تک محدود ہو چکی ہے، اس کا اندازہ یوں کیا جاسکتا ہے کہ راجہ پرویز اشرف، راجہ جاوید اشرف، راجہ خرم پرویز اور راجہ شارخ پرویز نے کاغذات نامزدگی جمع کرائے ہیں،قومی اسمبلی کی نشست کے لیے راجہ پرویز اشرف جبکہ پی پی 8کے لیے ان کے بیٹے راجہ خرم پرویز اور پی پی 9کے لیے چوہدری سرفراز کو ٹکٹ ملا ہے، راجہ پرویز اشرف کو پی پی 9کے امیدوار کے لیے کوئی خاص دلچسپی بھی نہیں ہے ان کا اصل مقصد اپنے بیٹے کو متعارف کرانا ہے، ذرائع کے مطابق یہ پرویز اشرف کا شائد آخری الیکشن ہو اس لیے وہ راجہ خرم پرویز کو بار بار الیکشن لڑا رہے ہیں، فارملٹی پوری کرنے کے لیے وہ ایک کمزور امیدوار سامنے لائے ہیں ورنہ ان کے دوسرے بیٹے کانام اس نشست کے لیے لیا جارہا تھا جو بوجوہ واپس لیا گیا۔
راجہ پرویز اشرف کے سپورٹرز کا خیال ہے کہ تحصیل گوجرخان میں راجہ پرویز اشرف کا کوئی مدمقابل نہیں ہے، انہوں نے پوری تحصیل میں اتنے ترقیاتی کام کروا دیے ہیں کہ عوام ان سے بہت خوش ہیں اور ان کے علاوہ کسی کو ووٹ نہیں دیں گے، گیس اور بجلی ہو یا گلیوں اور سڑکوں کی تعمیر ہر شعبے میں انہوں نے ریکارڈ ترقیاتی کام کرائے ہیں، بظاہر صورت حال ایسے ہی ہے لیکن زمینی حقائق کچھ اور ہیں:
راجہ پرویز اشرف نے اپنے حلقے کے دیہاتوں میں اپنے سپوکس پرسن مقرر کررکھے ہیں جو اختیارات کے استعمال کے آپس میں لڑتے رہتے ہیں اور ان کا رویہ عام لوگوں سے متکبرانہ ہوتا ہے جس سے لوگ سخت نالاں ہیں عام لوگوں کے بچے بیروگار جبکہ ان نمائندوں نے اپنے بیٹوں بھتیجوں کو بھرتی کرایا ہے اس سے بھی عام لوگ رنجیدہ ہیں۔
2008ء کے پیپلز پارٹی کے دور اقتدار میں جب راجہ پرویز اشرف وفاقی وزیر پانی و بجلی تھے انہوں نے کالا باغ ڈیم منصوبے کو ناقابل عمل قرار دیتے ہوئے اسے ختم کرنے کا اعلان کیا تھا اور اس کے بدلے میں رینٹل پاور پراجیکٹس کی منظوری دی تھی جس کے نتیجے ناصرف ملک و قوم کا نقصان ہوا بلکہ بجلی کی مہنگائی کا ایک طوفان آگیا جس کا خمیازہ آج قوم بھگت رہی ہے۔
پی ڈی ایم کے قیام میں پیپلز پارٹی کا اہم کردار تھا اور مقتدر پارٹی جو اپنی موت کو خود گلے لگا رہی تھی اسے شہادت کا درجہ دینے کا فیصلہ پیپلز پارٹی کا تھا، تحریک انصاف کی حکومت کو تحریک عدم اعتماد کے نتیجے میں چلتا کیا گیا اور منافع بخش وزارتیں پیپلز پارٹی نے خود رکھ لیں اور عوام کو جوابدہ وزارتیں مسلم لیگ ن کے حصے میں آئیں اور پھر تجربہ کاروں نے عوام کے ساتھ وہ کھلواڑ کیا جو شائد پاکستان کی تاریخ میں نہیں ہوا ہوگا، پٹرول، بجلی، چینی اور دیگر اشیائے ضروریہ کی قیمتیں آسمان سے باتیں کرنے لگیں اور پی ڈی ایم بشمول پیپلز پارٹی چھ ماہ کی حکومت انجوائے کرنے کے بعد چلتے بنے اور جاتے ہوئے دو وقت کی روٹی کو ترستی ہوئی عوام کے ٹیکسوں سے کروڑوں روپے کا ڈنر بھی کرگئے۔
آج مہنگی بجلی کا یہ عالم ہے کہ عوام اس کا بل دینے سے قاصر ہیں، پٹرول اتنا مہنگا ہے کہ لوگوں کا سفر کرنا ممکن نہیں رہا،آٹا غریب کی پہنچ سے دور کردیا گیا ہے، چینی کی آئے روز کی بڑھتی ہوئی قیمتوں نے عوام کا سکون چھین لیا ہے، گیس کی قیمتیں بھی آئے روز بڑھائی جارہی ہیں غرض ہر وہ شعبہ جہاں عوام کو ریلیف مل رہا تھا اس پر ٹیکسوں کی بھرمار کی جارہی ہے اور اس سب میں سپیکر قومی اسمبلی ہوتے ہوئے راجہ پرویز اشرف برابر کے شریک رہے ہیں۔
راجہ پرویز اشرف کا دعویٰ ہے کہ انہوں نے تحصیل گوجرخان کے لیے یونیورسٹی کا کیمپس منظور کروایا ہے، ان کا دعویٰ ہے کہ انہوں نے پاسپورٹ آفس بھی بنوایا ہے انہوں نے دولتالہ کو ناردرا آفس کا بھی تحفہ دیا ہے، مندرہ تا چکوال اور سوہاوہ تا چکوال ون وے روڈ بھی بنوایا ہے اسی طرح کے اور دیگر ترقیاتی پراجیکٹس بھی انہوں نے منظور کرائے ہیں، گلیاں، نالیاں اور سڑکیں بھی بنوائی ہیں، عوام یہ پوچھنے میں حق بجانب ہیں کہ کیا پکی گلیاں عوام کو چینی خرید کر دیں گی، کیا ناردرا آفس والے غریب کا بجلی کا بل ادا کریں گے، کیا پاسپورٹ آفس والے ایک غریب مزدور کو موٹر سائیکل میں پٹرول ڈلوا دیں گے یا گاڑی کا کرایہ ادا کریں گے جو کام پر جاتے ہوئے اسے روزانہ بس میں ادا کرنا پڑتا ہے؟؟پچھلے دنوں سوشل میڈیا پر ایک تحریر وائرل ہوئی تھی کہ راجہ پرویز اشرف نے صف اول کے سپورٹرز کے بیٹوں بھتیجوں یا رشتہ داروں کو نوکریاں دلوائی ہیں، دوسرے درجے کے سپورٹرز کے لیے ممنوعہ بور کے اسلحہ پرمٹ جاری کرائے ہیں، تیسرے درجے والوں کے لیے گلیاں اور نالیاں پختہ کرائی ہیں اور رہی عوام تو ان کے حصے میں مہنگی بجلی، مہنگی چینی مہنگا آٹا اور مہنگا پٹرول۔
ترقیاتی کاموں کا لطف تب ہی آتا ہے جب عوام خوشحال اور مطمئن ہوں، یہاں تو صورت حال یہ ہے کہ دینے والے لینے والوں کی صف میں کھڑے ہوگئے ہیں اور مہنگائی میں پسی ہوئی عوام کے زخموں پر نمک چھڑکتے ہوئے راجہ پرویز اشرف روزانہ پورے سرکاری پروٹوکول کے گاڑیوں کے ہوٹرز کی لے پر الیکشن مہم چلا رہے ہیں، عوام کس کرب میں مبتلا ہیں انہیں اس سے کوئی غرض نہیں اور پاکستان کی تاریخ میں شائد یہ بھی پہلی بار دیکھنے میں آرہا ہے کہ عوام کو اس الیکشن سے کوئی دلچسپی نہیں ان کا کہنا ہے کہ جن انتخابات کا نتیجہ انہیں پہلے سے معلوم ہے اس میں دلچسپی لینے کا کوئی فائدہ نہیں، دوسرے یہ کہ پاکستان اور عوام کی تباہی و بربادی کی ذمہ دار پیپلز پارٹی اور مسلم لیگ ن ہیں وہی گھسے پٹے چہرے اور نعرے لے کر آئے ہیں اور ہم ان سے بے زار ہیں باقی رہے نام اللہ کا۔

Gujar Khan (Pothwar.com, Muhammad Najeeb Jaral, 07 January 2024)-In the region of Gujr Khan, the Pakistan Peoples Party (PPP) seems to have confined its representation to one family, with Raja Pervez Ashraf, Raja Javed Ashraf, Raja Khurram Pervez, and Raja Sharukh Pervez filing nomination papers. Raja Pervez Ashraf is vying for a seat in the National Assembly, while his son, Raja Khurram Pervez, has secured the PPP ticket for PP-8, and Chaudhry Sarfraz has been nominated for PP-9. Notably, Raja Pervez Ashraf himself has shown little interest in contesting for the PP-9 seat, indicating his primary goal of introducing his son into politics. Sources suggest that this might be Raja Pervez Ashraf’s last election, prompting his repeated attempts to secure a position for Raja Khurram Pervez, as his other son, Kanam, was initially selected but later withdrew.